Actualitats
Covid-19: los infirmièrs contaminats en Brasil son lo 40% del total mondial
Fins ara 137 infirmièrs son mòrts e mai de 15 000 son contaminats
Brasil es lo tresen país del Mond mai afectat per la pandemia de la covid-19, amb mai de 294 000 cases enregistrats. Mas en çò que tanh al personal d’infirmariá seriá lo país mai durament tocat de la planeta, segon de donadas del Conselh Federal de l’Infirmariá (COFEN).
Se son exactas las chifras d’aqueste organisme, fins ara 137 infirmièrs son mòrts e mai de 15 000 son contaminats, una donada que representariá lo 40% dels cases de tot lo Mond.
“Las chifras son plan inquietantas, esperàvem que n’i auriá pas tant”, çò a remarcat a Bloomberg lo pòrtavotz de la COFEN, Walquirio Almeido, qu’atribuís aquela donada tan nauta a la manca d’esquipament de proteccion e de preparacion del personal.
“La situacion se melhorarà sonque se las autoritats adòptan de mesuras eficaças e qu’o fagan rapidament”, çò remarca Almeida. Près de la mitat de las mòrts del personal d’infirmariá en Brasil se son produchas dins los estats de São Paulo e Rio de Janeiro . Segon de donadas del COFEN, la majoritat dels defuntats an entre 40 e 50 ans.
Se son exactas las chifras d’aqueste organisme, fins ara 137 infirmièrs son mòrts e mai de 15 000 son contaminats, una donada que representariá lo 40% dels cases de tot lo Mond.
“Las chifras son plan inquietantas, esperàvem que n’i auriá pas tant”, çò a remarcat a Bloomberg lo pòrtavotz de la COFEN, Walquirio Almeido, qu’atribuís aquela donada tan nauta a la manca d’esquipament de proteccion e de preparacion del personal.
“La situacion se melhorarà sonque se las autoritats adòptan de mesuras eficaças e qu’o fagan rapidament”, çò remarca Almeida. Près de la mitat de las mòrts del personal d’infirmariá en Brasil se son produchas dins los estats de São Paulo e Rio de Janeiro . Segon de donadas del COFEN, la majoritat dels defuntats an entre 40 e 50 ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 I conneissi pas grand causa, mas m'estonaria fòrça que i aja mai d'infirmièrs e de metges en Brasil qu'en d'altres païsses tant coma los estats-unit, China o emai França. Mai que mai, es sonque la debuta de l'epidemia ailà, contrari a çò que se passa en Euròpa e en America. Lo nombre de malauts e de mòrts es a créisser de manièira exponenciala dempuèi qualques jorns, e caldrà temps per que la situacion s'estabilize.
https://www.worldometers.info/coronavirus/country/brazil/
Talas coma son aquí liuradas (es a dire "coma pertot"), aquelas chifras non dison grand causa. Per venir significantas, lor cal de ratios. Per exemple, comparar l'efectiu de personals de santat contaminats respècte al nombre total de personals de santat ; nombre de contaminats respècte al nombre d'abitants totals. Plan segur que i aurà plan mai de contaminats al Brasil o als estats units d'America qu'al Principat d'Andòra o al Luxemborg. Mas comparar çò comparable, per qu'aquò venga una informacion. Çò meteis pel nombre de defuntats : qué comptam ? Quant i a de defuntats per totas menas de rasons (suicidis e omicidis compreses) a l'unitat de temps, respècte al nombre que n'i a amb lo Covid19 en subre ? Es qu'aqueles mòrts "son mòrts del Covid19" o es que çò de qu'anavan morir los a fait morir mai lèu quand s'i ajustèt la contaminacion al Covid19 ?
PS : Lo Covid19 o la Covid19 : m'ensenharetz cossí fasètz per determinar lo sèxe d'un virus…
Après, plan segur, critiqui l'article, mas criticar non es complir, e aquelas donadas, per ne parlar, primièr ne cal dispausar…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari