Actualitats
Es mòrt Mory Kanté, legenda de la musica mandinga
Educat dins las musicas tradicionalas de l’Africa de l’oèst, Kanté portèt sa musica dins lo Mond entièr en mesclant tradicion e modernitat
Lo cantador mandinga Mory Kanté nos quitèt aqueste divendres passat a setanta ans a Conakry (Guinèa). Kanté se faguèt conéisser mondialament per la cançon Yé ké yé ké, amb la quala aduguèt sa lenga mandinga a tota la planeta.
Nasquèt al sen d’una familha de musicians ambulants de Mali e de Guinèa, los diches “griòts“ o tanben “jaloolu” en lenga mandinga, e foguèt educat dins las musicas tradicionalas de las culturas de l’Africa de l’oèst. En mai de cantar, tocava la kora, lo balafon e la guitarra. Quand aviá 21 ans, lo saxofonista Tidani Koné l’integrèt al Rail Band de Bamako, una orquèstra menada per Salif Keita. Pus tard, vendriá un musician de portada mondiala e, tot en mesclant tradicion e modernitat, popularizariá per tota la planeta la musica de rasic tradicionala d’aquela region d’Africa.
Lo president de Guinèa, Alpha Condé, a dich que “la cultura africana es en dòl” dins un messatge sus Twitter ont exprimissiá sa prigonda simpatia “als pus entristits” e mercejava l’artista en declarant que foguèt “exemplar” e “una fiertat”.
Nasquèt al sen d’una familha de musicians ambulants de Mali e de Guinèa, los diches “griòts“ o tanben “jaloolu” en lenga mandinga, e foguèt educat dins las musicas tradicionalas de las culturas de l’Africa de l’oèst. En mai de cantar, tocava la kora, lo balafon e la guitarra. Quand aviá 21 ans, lo saxofonista Tidani Koné l’integrèt al Rail Band de Bamako, una orquèstra menada per Salif Keita. Pus tard, vendriá un musician de portada mondiala e, tot en mesclant tradicion e modernitat, popularizariá per tota la planeta la musica de rasic tradicionala d’aquela region d’Africa.
Lo president de Guinèa, Alpha Condé, a dich que “la cultura africana es en dòl” dins un messatge sus Twitter ont exprimissiá sa prigonda simpatia “als pus entristits” e mercejava l’artista en declarant que foguèt “exemplar” e “una fiertat”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari