Actualitats
Martinica: an tombat doas estatuas de Victor Schœlcher
Demandan una descolonizacion del país e que se reconesca los actors locals que luchèron per l’abolicion de l’esclavatge
De manifestants anticolonizacion an fach tombar doas estatuas de Victor Schœlcher, en Martinica, dins las vilas de Fort-de-France e Schœlcher. Los manifestants demandan, entre d’autras revendicacions, que la bibliotèca e la vila que pòrtan lo nom de Schœlcher sián renomenadas al profièch d’actors locals de l’abolicion de l’esclavatge e de l’emancipacion dels negres. Lo cònsol màger de Fort-de-France e quitament lo president de França an condemnat amb fermetat aquelas accions.
Fa longtemps que manifèstan en revendicant que “Schœlcher” es pas lor “salvador”. A la fin de 2019 e al començament de 2020 avián blocat pendent plusors dimenjadas los ipermercats del país en soslinhant que las grandas familhas localas son de “békés”, çò es de descendents dels colons blancs franceses.
A mai, tanben protèstan contra la pollucion per la clordecòna, que lo quite president Macron reconeissiá coma “un escàndol environamental”. Se sospiècha d’efièch qu’aquel pesticida longtemps utilizat dins las plantacions bananièras es a l’origina de càncers de la prostata.
Lo vidèo de la casuda de las estatuas s’es publicat suls rets socials. Los activistas se definisson antibékés e antieiretatge colonial. Una joventa es convocada al tribunal lo 9 de julhet que ven.
Condemnacion dels elegits...
Dins un comunicat, lo cònsol màger de Fort-de-France, Didier Laguerre, a condemnat la destruccion de las estatuas e apèla a “cedir pas a la temptacion de rescriure l’istòria”. Pel deputat Serge Letchimy, son d’actes de “vandalisme” que “pòrtan atemptat al trabalh de l’òme que se pòt pas negar son ròtle e sa contribucion dins l’abolicion de l’esclavatge en 1848”.
... de Macron e de la ministra dels otramars
Tanben lo president de França, Emmanuel Macron, a dich sus Twitter qu’en “abolissent l’esclavatge fa 172 ans, Victor Schœlcher faguèt la grandor de França”. Macron condemnèt los faches que segon el “embrutisson sa memòria” [la de Schœlcher] e tanben “la de la Republica”. De son caire, la ministra dels otramars, Annick Girardin, diguèt que se “permet a totes de questionar l’istòria, mas que cal un trabalh metodic e rigorós. En cap de cas se deu far a travèrs de la destruccion de monuments qu’encarnan la nòstra memòria collectiva”.
Mas cap dels elegits a pas dich que pensa d’escotar las revendicacions dels manifestants. Ça que la, las protèstas an portat l’afar dins lo debat public.
L’abolicion de l’esclavatge de 1848
Lo 22 de mai de 1848, i aguèt una rebellion dels esclaus en Martinica que reüssiguèt après plusors jorns de susmautas e violéncias. Lo 27 d’abril, se signava un decret d’abolicion de l’esclavatge, portat per la comission d’abolicion de l’esclavatge que son president èra lo parisenc Victor Schœlcher, conegut dempuèi 1830 per son discors abolicionista.
Après l’abolicion, Schœlcher venguèt deputat de Martinica. Son nom foguèt donat a la bibliotèca de Fort-de-France e puèi, en 1889, la nòva vila de Case Navire prendriá son nom.
Recuperacion politica del trabalh de Schœlcher
Los nombroses omenatges que recep Schœlcher eclipsan los eròis de la susmauta dels esclaus, que la majoritat son tombats dins l’anonimat.
Dins aquel sens, la Fondacion per la Memòria de l’Esclavatge explicava dissabte dins un comunicat que lo combat per l’abolicion “amassèt las personas reduchas en esclavatge, que cessèron pas de se revoltar contra lor estat, e o faguèron encara lo 22 de mai de 1848 en Martinica, e de militants abolicionistas coma Victor Schœlcher.
Tanben sus Twitter se manifestèt l’escrivan martiniqués Patrick Chamoiseau que denoncièt la recuperacion politica del trabalh de Victor Schœlcher, mas que demandèt de respectar l’òme.
Fa longtemps que manifèstan en revendicant que “Schœlcher” es pas lor “salvador”. A la fin de 2019 e al començament de 2020 avián blocat pendent plusors dimenjadas los ipermercats del país en soslinhant que las grandas familhas localas son de “békés”, çò es de descendents dels colons blancs franceses.
A mai, tanben protèstan contra la pollucion per la clordecòna, que lo quite president Macron reconeissiá coma “un escàndol environamental”. Se sospiècha d’efièch qu’aquel pesticida longtemps utilizat dins las plantacions bananièras es a l’origina de càncers de la prostata.
Lo vidèo de la casuda de las estatuas s’es publicat suls rets socials. Los activistas se definisson antibékés e antieiretatge colonial. Una joventa es convocada al tribunal lo 9 de julhet que ven.
Déboulonnage des statues de Victor Schœlcher en #Matinik De toute évidence la révolution panafricaine Sankariste est lancée !
— Ligue de defense Noire Africaine (@LDNAOFFICIEL) May 23, 2020
Nous avions déjà averti les politiques français et africains de l’urgence de déboulonner, les anciens bourreaux de nos peuples . #LDNApic.twitter.com/HVIcwmow8B
Condemnacion dels elegits...
Dins un comunicat, lo cònsol màger de Fort-de-France, Didier Laguerre, a condemnat la destruccion de las estatuas e apèla a “cedir pas a la temptacion de rescriure l’istòria”. Pel deputat Serge Letchimy, son d’actes de “vandalisme” que “pòrtan atemptat al trabalh de l’òme que se pòt pas negar son ròtle e sa contribucion dins l’abolicion de l’esclavatge en 1848”.
... de Macron e de la ministra dels otramars
Tanben lo president de França, Emmanuel Macron, a dich sus Twitter qu’en “abolissent l’esclavatge fa 172 ans, Victor Schœlcher faguèt la grandor de França”. Macron condemnèt los faches que segon el “embrutisson sa memòria” [la de Schœlcher] e tanben “la de la Republica”. De son caire, la ministra dels otramars, Annick Girardin, diguèt que se “permet a totes de questionar l’istòria, mas que cal un trabalh metodic e rigorós. En cap de cas se deu far a travèrs de la destruccion de monuments qu’encarnan la nòstra memòria collectiva”.
Mas cap dels elegits a pas dich que pensa d’escotar las revendicacions dels manifestants. Ça que la, las protèstas an portat l’afar dins lo debat public.
L’abolicion de l’esclavatge de 1848
Lo 22 de mai de 1848, i aguèt una rebellion dels esclaus en Martinica que reüssiguèt après plusors jorns de susmautas e violéncias. Lo 27 d’abril, se signava un decret d’abolicion de l’esclavatge, portat per la comission d’abolicion de l’esclavatge que son president èra lo parisenc Victor Schœlcher, conegut dempuèi 1830 per son discors abolicionista.
Après l’abolicion, Schœlcher venguèt deputat de Martinica. Son nom foguèt donat a la bibliotèca de Fort-de-France e puèi, en 1889, la nòva vila de Case Navire prendriá son nom.
Recuperacion politica del trabalh de Schœlcher
Los nombroses omenatges que recep Schœlcher eclipsan los eròis de la susmauta dels esclaus, que la majoritat son tombats dins l’anonimat.
Dins aquel sens, la Fondacion per la Memòria de l’Esclavatge explicava dissabte dins un comunicat que lo combat per l’abolicion “amassèt las personas reduchas en esclavatge, que cessèron pas de se revoltar contra lor estat, e o faguèron encara lo 22 de mai de 1848 en Martinica, e de militants abolicionistas coma Victor Schœlcher.
Tanben sus Twitter se manifestèt l’escrivan martiniqués Patrick Chamoiseau que denoncièt la recuperacion politica del trabalh de Victor Schœlcher, mas que demandèt de respectar l’òme.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segur que n'i a que jutjarán la façon un pauc violenta... pasmens sèm forçats de reconéisser que n'auriem pas jamai auvit parlar aquí dinc los jornaus metropolitans francés s'avián màs que desfialat tranquillament per charrèiras... Que maleirosament París vòu pas jamai ren auvir... Nautes o-sabèm que tròp...
Per compréner exactament lo "perqué" de tombar las estatuas de Schoelcher lo 22 de mai , fau conéisher plan l'istòria de Martinica e Guadalope.
- perqué lo 22 de mai ?
En 1848, en França venèvan de caçar Louis-Philippe e proclamar la Republica . Schoelcher, abolicionista de longa, hasut votar lo 27 d'abriu una lei d'abolicion de l'esclavatge . Mès los naviris de velas, los faliva una bona mesada per passar l'Atlantica e portar lo tèxte de la lei navera . Acerà ,a la fin de mai, n'èra pas enqüèra arribat, mès se sabèva qu'una lei se preparava e seré votada . Lavetz, shens esperar mei, los esclaus se susmautèren , botèren lo huc a las plantacions , e en Martinica tuèren un vintenat de colons "békés". Eishantat , de tira, lo 22 de mai , lo gobernador signèt un "decret'' d'abolicion de l'esclavatge en Martinica, E parièr lo 27 de mai per lo gobernador de Guadalope.
Lavetz adara las gents estiman que los esclaus se liberèren tot solets .
- Perqué tombar las estatuas de V.Schoelcher ?
A la debuta de junh quora arribèt la lei de Schoelcher, decepcion ! La lei de Schoelcher indemnizava los ex-proprietaris d'esclaus , mès ARREN per los ex-esclaus, per annadas e annadas de trabalh a gratis, quitament pas un "carrat" de tèrra, de la tèrra que los podèva neurir..
E per milhor estujar la susmauta de liberacion, de Schoelcher los "békés" ne hasuren una sòrta de "sant", que per caritat avèva liberat los esclaus : carrèiras , vilatges a son nom, estatuas pertot , jorn de neishança 21 de julhet (st Victor) hestejat . Un CULTE vertadèir ! Jamèi un mòt sus la susmauta de mai de 1848 !, non ! silenci deus grans !
En 2002 , lo govern de Jospin "autorizèt" de hestejar oficialament lo 22 de mai en Martinica e lo 27 de mai en Guadalopa.
L’abolicion de l’esclavatge de 1848 ? L'esclavatge s'abolirà quand s'abolirà lo capitalisme, lo productivisme e lo consumerisme, pas abans.
An fait molt be de tomar lo monument del colonizador. Los monuments dels invasors no es mereissen res mai. A Narbona a la part exterior de la catedral on los crosats mataren a molts d'occitans, an posat un monument de Joana d'Arc, no se sap per què li an posat, segurament per tampar lo masselh. La paura Joana d'Arc que lo que feia era anar contra los colaboracionistas franceses qu' ajudavan als angleses. Una victima mai de l'extrema dreta francesa.
So if you are the big tree
We are the small axe
Ready to cut you down
To cut you down
S'ès, tu, lo grand arbre
Sèm la destral pichona
Prèsta per te copar
Per te copar
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari