CAPÇALERA PAIS INVISIBLE

Actualitats

InternacionalPoliticaSocietat

Ongria arrèsta la reconeissença de las personas transgenres

Mai d’un organisme internacional an denonciat aquela disposicion qu’afècta 30 000 ciutadans ongreses

| @ILGAEurope
Reculada dels dreches umans en Ongria après la majoritat absoluda de l’ultradrecha al govèrn. Las personas transgenres, que dins los darrièrs sètze ans an vist reconeguda lor identitat de genre, seràn desenant reconegudas sonque segon lor “sèxe biologic basat sus la naissença e lo genòma”. Lo parlament ongrés aprovèt dimars passat una lei qu’empedís de modificar lo genre dels ciutadans suls documents oficials. Plusors organismes internacionals an denonciat aquela disposicion qu’afècta 30 000 ciutadans ongreses.
 
Dins las darrièras setze annadas, las personas transgenres podián sollicitar un cambiament de sèxe dins lo registre civil. Mas aquò ven d’èsser enebit. “Es trist e escandalós que lo Parlament aja decidit d’adoptar aquesta lei asirosa de mesprètz envèrs las inquietuds manifestadas per de desenas d’organizacions de la societat civila e d’organismes internacionals”, çò a dich a l’AFP Tamás Dombos, de l’Aliança Ongresa LGBT.
 
Ara, environ 30 000 personas se veiràn discriminadas e mai patiràn de dificultats quand deuràn explicar la contradiccion entre çò que mòstran lors documents e lor identitat de genre. E mai seràn tractats coma se foguèsson d’un genre qu’eles percebon pas coma lo lor. Es atal que d’organizacions que defendon los dreches de la comunautat LGBT coma ILGA-Europe e Transgender Europe qu’avián ja avertit que la proposicion del Parlament fariá pas qu’aumentar “la discriminacion e la violéncia” que las patisson las personas transgenres.
 
 
Retorn als tempses escurs
 
Per Amnestia Internacionala, s’agís d’una “reculada devèrs los tempses escurs”; l’organizacion denóncia que la decision ongresa manca a “las obligacions internacionalas e nacionalas d’Ongria envèrs divèrses dreches umans”.
 
Lo govèrn a assegurat als mèdias, que malgrat lo cambiament legal, las personas transgenres poiràn viure lor vida e exprimir liurament lor identitat sexuala coma o an fach fins ara.
 
Lo retorn al poder de l’ultradrechista Viktor Orbán, après sa reeleccion en 2018, a portat en aqueste país de l’UE una limitacion de l’independéncia de la justícia e dels mèdias e un retorn a çò que dison “las valors crestianas e tradicionalas”.
 
 
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cuicui Marselha
4.

Au mens es pas coma a París monte riscan de crosar de "ciutadans francés" que li van cassar la gola per de rasons religiosas. Son mai en securitat en Ongria.

  • 5
  • 0
francesc palma
3.

Ai !,Ongria sa istòria ja es de dreta e d'extrema dreta, son passat aliada incondicional dels nazis, coma Peten l'amiguet de Franco.

  • 3
  • 6
NIcolau
2.

Qu'es pas lu prumier còp que lu govern queu país nos fai veire son amor daus drechs de l'Òme.

  • 8
  • 9
Black Blòc Joe
1.

Per reconéisser l'Autre, primièr lo cal conéisser. Mas lo fascisme non vòl de l'Autre. Lo fascime es una malautiá mentala, qu'aneientís la capacitat a anar uman. Aquí plan una de las resultas…

  • 11
  • 8

Escriu un comentari sus aqueste article