Actualitats
L’estat francés a enebit l’usatge de l’idroxicloroquina per tractar la covid-19
Lo decret que l’autorizava l’an abrogat a causa d’un avís desfavorable del conselh de la santat publica
L’estat francés a enebit l’usatge de l’idroxicloroquina per tractar la covid-19. Lo decret que l’autorizava foguèt abrogat dimècres passat, a causa d’un avís desfavorable del conselh de la santat publica, segon un decret publicat al Jornal Oficial.
Dempuèi la fin de març, l’idroxicloroquina se podiá prescriure dins los espitals unicament pels pacients grèvament tocats per la covid-19, sus decision collegiala dels mètges. Aquel medicament es un derivat de la cloroquina emplegat per combatre la malària e lo paludisme.
L’idroxicloroquina, ensajada a Marselha pel professor Didier Raoult, un scientific reconegut e controversiat, es estat a la una dels mèdias per son ensag, per divèrses cambiaments de vejaire de l’executiu francés, perque un grop d’especialistas publiquèt un manifèst en favor de son emplec e quitament per l’anóncia de Donald Trump qu’assolidèt que n’aviá presa en prevencion.
L’IEU de Marselha contunharà de “tractar sei pacients amb lei tractaments pus adaptats”
Pasmens, la còla del professor Raoult a l’IEU de Marselha i a reagit en declarant a l’AFP: “Contunharem de tractar nòstrei pacients amb lei tractaments qu’estimam pus adaptats en l’estat actuau de la sciéncia e dei coneissenças”, çò asseguran.
Dempuèi la fin de març, l’idroxicloroquina se podiá prescriure dins los espitals unicament pels pacients grèvament tocats per la covid-19, sus decision collegiala dels mètges. Aquel medicament es un derivat de la cloroquina emplegat per combatre la malària e lo paludisme.
L’idroxicloroquina, ensajada a Marselha pel professor Didier Raoult, un scientific reconegut e controversiat, es estat a la una dels mèdias per son ensag, per divèrses cambiaments de vejaire de l’executiu francés, perque un grop d’especialistas publiquèt un manifèst en favor de son emplec e quitament per l’anóncia de Donald Trump qu’assolidèt que n’aviá presa en prevencion.
L’IEU de Marselha contunharà de “tractar sei pacients amb lei tractaments pus adaptats”
Pasmens, la còla del professor Raoult a l’IEU de Marselha i a reagit en declarant a l’AFP: “Contunharem de tractar nòstrei pacients amb lei tractaments qu’estimam pus adaptats en l’estat actuau de la sciéncia e dei coneissenças”, çò asseguran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'idroxicloroquina per tractar la covid es absoludament pas defenduda !
Après ne'n desconselhar l'usatge per moien dau Naut Conselh de Sandat Publica, l'Estat podrá pus èsser tengut responsable davant la justiça. Mas la molecula se podrá totjorn utilisar, que seguent la lei francesa, degut pòt pas forçar un medecin d'abandonar l'usatge d'un medicament qu'a recebut una autorizacion de mesa sobre lo marchat. Fai que lo medecin que o-jutjará necessari, la podrá contunhar de donar a sos pacients... Mas d'avora ençai ne'n portará la responsabletat tot sou.
Raoult = Palhassa.
De mai a pas grand causa de Marselhés nimai d'Occitan...
Se Raoult aviá aplicat una metodologia vertadièrament scientifica a l’evaluacion de son tractament, ara auriam d’informacions mai seguras. Son biais de faire es una escòrna a l’etica scientifica e a l’etica medicala.
I a sens dobte de causas de criticar mas d'unes estudis son pas onèstes.
Los medecins qu'aplican lo tractament o fan en rapòrt a la santat del pacient e tre la debuta dels simptòmes, çò que preconiza lo Pr. Raoult.
La còla de l'espital Saint Antoine, que son los mai ferotges, fan coma se los medecins l'aplicavan sens discriminacion e sustot s'apiejan sus l'aplicacion suls pacients espitalizats dins una etapa ja avançada çò que Raoult a totjorn desconselhat.
Ai vist tanben l'entrevista amb Pujadas. Raoult parlava de contèxte ont s'aplicava la cloroquina e l'autre parlava de la cloroquina sola, coma los avocats de las serias americanas qu'usan de la trapèla de forçar l'acusat a respondre òc ou non, fòra contèxte: èran dos discorses parallèls qu'aportèron pas cap d'aclariment.
De mai en mai estudis mostran qu'aqueste remèdi es pas eficaç e qu'entraïna de complicacions. Raoult auria degut sonhar las sias recercas, al luòc de se faire remarcar. La medicina es pas un rodeo!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari