Lo conselh municipal de Barcelona, que Manuel Valls n’es un elegit, ven de se metre d’acòrdi aquesta setmana sus una declaracion que condemna las expulsions dels ròms de la banlèga de París, quand Valls èra ministre de l’Interior. La declaracion l’a presentada Esquèrra Republicana de Catalonha (ÈRC) en seguida de la condemnacion de la Cort Europèa dels Dreches Umans contra l’estat francés per las percaças e lo desmantelament de camps de ròms quand Manuel Valls èra ministre de l’Interior. La declaracion l’an sostenguda Barcelona en Comun, lo Partit Socialista e Amassa per Catalonha. Pasmens, son aprovacion s’es facha dins la polemica, çò rapòrta Betevé.
 
“La comuna de Barcelona condemna los faches que provoquèron la mençonada senténcia de la Cort Europèa dels Dreches Umans e que son un exemple del pièger nacionalisme exclusent”, çò ditz lo tèxt, que tanben revendica Barcelona coma una vila “dobèrta a totas las personas sens qu’impòrten lors etnia, lenga, religion, genre o orientacion sexuala” e confirma l’engatjament de “totes los elegits” al Còde Etic de la comuna.
 
De soslinhar que las eleccions municipalas a Barcelona las ganhèt ÈRC mas es Ada Colau, dels partit dels «comuns», que venguèt consolessa màger: faguèt un govèrn de coalicion amb los socialistas e obtenguèt lo sosten de Manuel Valls, que votèt per ela per evitar que lo cònsol màger foguèsse un independentista catalan.
 
 
Lo pecat original
 
Dins son intervencion, Manuel Valls critiquèt que lo govèrn de coalicion de socialistas: viviá “amb lo pecat original de [son] vòte dempuèi un an e ara [cercava] lo perdon”, çò diguèt. A mai, assegurèt que la declaracion èra “una ataca frontala contra la Republica Francesa”. Segon Valls, la cort de Luxemborg diguèt que los faches èran pas estats una violacion del drech a la vida privada e familiala mas si de las garentidas de procedura; l’èx-primièr ministre, doncas, demandèt als conselhièrs municipals que legiguèsson la senténcia abans de dire quicòm.
 
Lo Partit Popular e Ciutadans, partits de drecha espanholista, refusèron la declaracion e sostenguèron Valls.
 
 
Un debat polemic
 
Lo debat foguèt musclat. D’un caire, los comuns e los socialistas, e mai sostenguèsson la declaracion, refusèron qu’ÈRC demandèsse que Valls demandèsse perdon e demissionèsse. En seguida, Amassa per Catalonha a dich que lor sembla “particular” que comuns e socialistas condemnen Valls après aver acceptat son sosten per poder dirigir la capitala de Catalonha.

 
 

L'Ajuntament de Barcelona condemna l'expulsió de gitanos de França durant el mandat de Manuel Valls, a petició d'@ERCbcn

https://t.co/IRGvIOGXid

— ERC Barcelona (@ERCbcn) May 29, 2020

 

El Ministre responsable d'aquella expulsió que comdemna el TEDH es deia Manuel Valls.
Avui, la Barcelona oberta, la dels drets humans,la Barcelona ciutat refugi l'ha reprovat. pic.twitter.com/5GGeyoBVSM

— Elisenda Alamany (@Elisendalamany) May 29, 2020

 

Un minuto para defender a un gran país, Francia..un minuto para defender mi honor y asumir plenamente mis actos como ministro del interior, un minuto para denunciar las mentiras de los firmantes de una declaración de ERC que ha contado con el apoyo indigno de los socialistas. pic.twitter.com/Fv65lgjqBB

— Manuel Valls (@manuelvalls) May 29, 2020