Actualitats
La brutalitat de la polícia estatsunidenca contra los manifestants
Las protèstas per l’assassinat de George Floyd s’estendon per tot lo país del temps que los rets socials denóncian d’excèsses policièrs extrèms. Trump declara terrorista lo movement antifaissista
Après que quinze vilas declarèron lo cobrifuòc, los rets socials son venguts comols d’imatges que mòstran d’abuses e d’excèsses per part de la polícia. Per exemple, a Nòva York un veïcul de la polícia se roncèt sus la molonada en reversant los manifestants que li barravan lo passatge. A Los Angeles, un grop d’agents a assautat una veitura ont i aviá doas personas afroamericanas, una l’an extracha de l’automobila per fòrça del temps que lo menaire l’immobilizavan amb una arma d’electrochòc, e mai mostrèsse pas cap de resisténcia de cap de sòrta.
Trump declara terrorista lo movement antifaissista
De son latz, lo president Donald Trump lança una ofensiva legala contra las protèstas. D’efièch, après cinc nuèches de manifestacions e susmautas, anoncièt ièr que considerariá lo movement antifaissista coma una organizacion terrorista, e lo compara ara amb l’autoproclamat Estat Islamic o amb Al Qaida.
now THIS is what the news should be showing. police brutality happening on a protest to end police brutality against black people and racism, no words #BlackLivesMatterpic.twitter.com/PHIDU0ZB85
— (@greekjupiter) May 31, 2020
This need to go viral...they maced her and tased that man for nothing...LAPD summed up in 20 secs pic.twitter.com/YESq9q8txL
— Chubbs Peterson (@macktology101) May 31, 2020
Això ja és un altre nivell: la policia i la National Guard patrullant carrers residencials de Minneapolis i disparant a gent que està a casa seva. pic.twitter.com/S3DT9SCRxo
— Albert Lloreta (@AlbertLloreta) May 31, 2020
Atenció 17.35 h: Augmenta la tensió i les protestes als Estats Units per l’homicidi de George Floyd.
— Sergi Maraña (@SergiMaranya) May 31, 2020
La policia de Nova York, desesperada pels aldarulls, atropella indiscriminadament manifestants. pic.twitter.com/T9BgaMzCSA
The United States of America will be designating ANTIFA as a Terrorist Organization.
— Donald J. Trump (@realDonaldTrump) May 31, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los policiots iancos filhs d'Abram Lincol lo boxador, fent assassinats racistas. Colha de fachistas racistas nazis !!
Donald Trump anoncièt ièr que considerariá lo movement antifascista coma una organizacion terrorista, e lo compara ara amb l’autoproclamat Estat Islamic o amb Al Qaida. Valent a dire que se declara tacitament coma profacista ? E que de tuar de ciutadans per carrièras sonque per un contraròlte de polícia non es de terrorisme ? Vertat es qu'aquò non risca de terrorisar degun, vertat ?
Aquò me remembra mon papet que, passat pendent tres ans dins lo maquís gascon de Bocona, al sortir de Tolosa, passava per un terrorista al nivèl de la milícia petainista e de la Deutsche Polizei…
Trump en preson
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari