capçalera campanha

Actualitats

InternacionalPoliticaSocietat

Metre un genolh al sòl es vengut lo simbòl de la protèsta per la mòrt de George Floyd

Aquel gèst, amb lo qual lo policièr lo tuèt, recòrda la protèsta de Colin Kaepernick contra l’imne estatsunidenc

S’agenolhar es vengut un simbòl de la revòlta que dempuèi una setmana creis als Estats Units
S’agenolhar es vengut un simbòl de la revòlta que dempuèi una setmana creis als Estats Units | Mary Altaffer / AP
Fa quatre ans, lo subreconegut esportiu de fotbòl american de San Francisco, Colin Kaepernick, refusèt de se quilhar al moment que sonava l’imne dels Estats Units. Davant l’estonament de totes, s’assetèt sul banc. Quand li demandèron la rason de son gèst diguèt qu’el refusava d’onorar los simbòls d’un estat que perseguissiá e reprimissiá los afroamericans. Una setmana pus tard, cambièt son gèst; per tal de mostrar de respècte envèrs los autres ciutadans e de denonciar la repression dels afroamericans a l’encòp, Kaepernick metèt un genolh al sòl quand sonava l’imne.
 
Son gèst foguèt imitat per plusors autres esportius, mai que mai afroamericans, del temps que Kaepernick foguèt la buta de fòrça criticas e quitament de menaças que tanben toquèron son esquipa e la liga nacionala de fotbòl american NFL. En 2017, lo president Donald Trump se vantèt d’aver tanben insultat Kaepernick e quichèt los proprietaris de las esquipas per que permetèsson pas que lors esportius s’agenolhèsson quand sonava l’imne. Kaepernick, e mai foguèsse considerat coma un dels melhors jogadors de l’NFL, foguèt licenciat.
 

 
Aquestes jorns, fòrça ciutadans estatsunidencs se son remembrats del gèst de Kaepernick a causa de la macabra coïncidéncia amb l’assassinat de George Floyd per un policièr que l’escanèt amb son genolh sul còl pendent uèch minutas fins a lo tuar. Es atal que s’agenolhar es vengut un simbòl de la revòlta que dempuèi una setmana creis als Estats Units.
 
Lo gèst del genolh al sòl es combinat amb de silencis d’uèch minutas e los ponhs alçats.
 
Lo mond s’agenolhan pas sonque dins los recampaments mas quitament o fan de policièrs que vòlon afortir lor desacòrdi amb las violéncias racistas e la repression. Per exemple, lo cap de la polícia de Santa Cruz a jonch la protèsta en se mostrant amb un genolh al sòl. Tanben o an fach mai d’un policièr de Miami al moment qu’una manifestacion passava davant lo comissariat.





 
 


 
 




abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
2.

I a una bona evolucion del conflicte amb l'actitut de policias , de soldats e oficials que s'agenolhen. E als paucs manifestants que volen actuar violentament los altres manifestant los agafan. Molt ben feit.

  • 2
  • 0
Franc Bardòu
1.

Non me soveni, ailàs ont ai agut legit que per un gitan (iberic, al mens, los del Canto Jondo), essent l'aspretat de la vida, se pòt concebre un òme digne amb un genolh a tèrra, mas jamai los dos a l'encòp. Aquí la postura a una autra significacion, que mai m'agrada encara.

  • 1
  • 0

Escriu un comentari sus aqueste article