Actualitats
Lo prince Joaquim de Belgica, testat positiu de la covid-19, participa a una fèsta illegala a Còrdoa
Lo prince participèt a una fèsta de la nauta societat andalosa qu’amassèt 27 personas. Ara son totas isoladas per evitar la propagacion de la malautiá
La polícia espanhòla a dobèrt una enquista contra lo prince Joaquim de Belgica, de 28 ans, nebot del rei Felip, per s’èsser gandit dins una fèsta illegala a Còrdoa. Lo prince es testat positiu de la covid-19, çò qu’a provocat l’isolament de totes los participants de l’eveniment, çò rapòrta La Meuse que mençona El Confidencial.
Joaquim participèt a una fèsta de la nauta societat andalosa qu’amassèt 27 personas. Mas segon la lei espanhòla d’urgéncia en rason de la crisi sanitària, a aquel moment èran solament permesas las reünions de mens de dètz personas. Per aquel motiu las autoritats avertiguèron la polícia.
Tornat en Belgica, lo prince diguèt que patissiá de simptòmas de la malautiá e se faguèt l’espròva de la covid-19 amb un resultat positiu. Sul pic las autoritats andalosas identifiquèron totes los participants de la fèsta per los isolar. Lo president d’Andalosia, Juanma Moreno, a criticat la fèsta en declarant que demostrava una “enòrma irresponsabilitat”.
Segon lo palais reial bèlga, Joaquim anèt a Madrid lo 25 de mai dins un vòl comercial e amb un permés d’intrada al país malgrat lo confinament, per de rasons oficialament professionalas. L’acompanhavan sos parents, la princessa Astrid e lo prince Laurenç. A Madrid prenguèt un TGV fins a Còrdoa.
Lo prince a reconegut sos tòrts e a presentat sas excusas a Espanha, segon La Meuse.
Joaquim participèt a una fèsta de la nauta societat andalosa qu’amassèt 27 personas. Mas segon la lei espanhòla d’urgéncia en rason de la crisi sanitària, a aquel moment èran solament permesas las reünions de mens de dètz personas. Per aquel motiu las autoritats avertiguèron la polícia.
Tornat en Belgica, lo prince diguèt que patissiá de simptòmas de la malautiá e se faguèt l’espròva de la covid-19 amb un resultat positiu. Sul pic las autoritats andalosas identifiquèron totes los participants de la fèsta per los isolar. Lo president d’Andalosia, Juanma Moreno, a criticat la fèsta en declarant que demostrava una “enòrma irresponsabilitat”.
Segon lo palais reial bèlga, Joaquim anèt a Madrid lo 25 de mai dins un vòl comercial e amb un permés d’intrada al país malgrat lo confinament, per de rasons oficialament professionalas. L’acompanhavan sos parents, la princessa Astrid e lo prince Laurenç. A Madrid prenguèt un TGV fins a Còrdoa.
Lo prince a reconegut sos tòrts e a presentat sas excusas a Espanha, segon La Meuse.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A pogut, Jo d'a çò dels Belgas,, semenar la mòrt sul sieu camin, tranquille, e contra la lei. E pensa totun se'n tirar amb d'excusas publicas. Dins lo meteis reialme, sonque per demandar electoralament son vejaire a un pòble sus una question politica, pòdes far fins a 13 ans de preison, sense cap mena de violéncia. Quant ne farà, aquel mariòl, per aver semenat la mòrt ? Benlèu pas brica…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari