Actualitats
La situacion dels negres als Estats Units explicada per Luther King en doas minutas
En seguida de las protèstas contra l’assassinat de George Floyd es a virar dins los rets socials un fragment d’una entrevista istorica
En seguida de las protèstas contra la mòrt del ciutadan afroamerican George Floyd per un policièr de Minneapòlis, a començat de virar dins los rets socials un fragment d’una entrevista istorica que la faguèt CBS a Martin Luther King. En aquela entrevista, facha en 1967, Luther King explica perqué los ciutadans negres estatsunidencs an mai de dificultats que los immigrants europèus blancs als Estats Units, e detalha las causas de lor opression.
“Los blancs americans se devon avisar que cap d’autre grop etnic es estat esclau sus las tèrras americanas. Es quicòm que los autres grops d’immigrants an pas degut patir. L’autre element es que la color de pèl deven un estigma. La societat estatsunidenca a fach de la color dels negres un estigma”, çò ditz.
“Los Estats Units liberèron los esclaus en 1863 amb la Proclamacion d’Emancipacion d’Abraham Lincoln, mas aquò lor donèt pas de tèrras ni res per començar de nòu. Al meteis moment los Estats Units donavan de milions d’ectaras a l’oèst. Aquò vòl dire que i aguèt una volontat de donar als païsans blancs d’Euròpa una basa economica, del temps qu’aquò èra refusat als païsans negres d’Africa, qu’èran venguts de manièra forçada, encadenats, e avián trabalhat a gratis pendent 244 ans”, çò apond.
“Per tant, l’emancipacion pels negres foguèt, en realitat, la libertat per la fam. Foguèt libertat pels vents e las pluèjas del cèl. Foguèt libertat sens noiridura per manjar o sens tèrras per cultivar. Foguèt libertat e fam a l’encòp. E quand los estatsunidencs blancs diguèron als negres que se’n sortiguèsson amb lors pròpris mejans, revisèron pas lo legat de l’esclavatge e la segregacion. Ara, cresi que nos cal far tot çò possible e ensajar de nos en sortit amb nòstres pròpris mejans, mas es crusèl de dire qu’un òme sens mejans se’n deu sortir amb sos pròpris mejans. E fòrça negres son demorats sens mejans coma resultat de totes aqueles ans d’opression e coma resultat d’una societat que deliberadament fa de la color de lor pèl un estigma e una causa devalorizada e degradanta”, çò conclutz.
“Los blancs americans se devon avisar que cap d’autre grop etnic es estat esclau sus las tèrras americanas. Es quicòm que los autres grops d’immigrants an pas degut patir. L’autre element es que la color de pèl deven un estigma. La societat estatsunidenca a fach de la color dels negres un estigma”, çò ditz.
“Los Estats Units liberèron los esclaus en 1863 amb la Proclamacion d’Emancipacion d’Abraham Lincoln, mas aquò lor donèt pas de tèrras ni res per començar de nòu. Al meteis moment los Estats Units donavan de milions d’ectaras a l’oèst. Aquò vòl dire que i aguèt una volontat de donar als païsans blancs d’Euròpa una basa economica, del temps qu’aquò èra refusat als païsans negres d’Africa, qu’èran venguts de manièra forçada, encadenats, e avián trabalhat a gratis pendent 244 ans”, çò apond.
“Per tant, l’emancipacion pels negres foguèt, en realitat, la libertat per la fam. Foguèt libertat pels vents e las pluèjas del cèl. Foguèt libertat sens noiridura per manjar o sens tèrras per cultivar. Foguèt libertat e fam a l’encòp. E quand los estatsunidencs blancs diguèron als negres que se’n sortiguèsson amb lors pròpris mejans, revisèron pas lo legat de l’esclavatge e la segregacion. Ara, cresi que nos cal far tot çò possible e ensajar de nos en sortit amb nòstres pròpris mejans, mas es crusèl de dire qu’un òme sens mejans se’n deu sortir amb sos pròpris mejans. E fòrça negres son demorats sens mejans coma resultat de totes aqueles ans d’opression e coma resultat d’una societat que deliberadament fa de la color de lor pèl un estigma e una causa devalorizada e degradanta”, çò conclutz.
Dr. Martin Luther King Jr. speaks about perspective on American history pic.twitter.com/nq37zy2L4q
— Vala Afshar (@ValaAfshar) May 28, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La guerra qu' organizet Lincoln e lo partit reaccionari republican era per apoderar se del Sud e sas materias primeras, el tenia una esclava negra que continuet sent esclava e proibiguet l'esclavitut als estats Confederats pas als altres. La mostra que foguet una enganhifa es lo qu' està passat ara e fins ara. No calia pas far una guera per proibir l'esclavitut coma feren.
#1 Mai de cinquanta ans, òc, d'acòrdi. Mas las reflexions de fa mai de cinquanta ans son cèrtas e explican (encara ara, après mai de cinquanta ans!) las dificultats actualas dels afroamericans. Las causas an cambiat, mas demòra plan de camin a far encara, e es important d'aver consciéncia del passat quand lo passat nos afècta al present e al futur. Çò que cal arrestar es de jogar lo ròtle del reconciliator (o puslèu del reaccionari) que prepausa de doblidar lo passat per negar las luchas socialas.
Pòdi pas mai respirar…
#2 òu, respira un bon còp l'amic, d'aise, d'aise...
#1 Pertot ont es e continua d'avançar, l'ultradrèita demòra l'ultradrèita. E pertot la cal denonciar, sempre. L'inegalitat entre las raças, los genres, las culturas, las lengas es sempre estat una obsession argumentativa d'ultradrèita. Un sistèmie economic (qu'enriquís los rics en apaurissent los paures, e qu'afortís los rics en apaurissent los paures es insofrible ni injustificable. Per far acceptar l'inacceptable als paures aital esplietats, lors inventan una "jos-populacion" (generalament mai aflaquida encara) e lor racontan que seriá la causa totes lors problèmas mentre que los problèmas sistemics dels unes es exactament lo meteis que lo problèma sistemic dels autres. Mas sense informacion critica ni educacion populara sufisentas, las messorgas passan alara per de vertats, e lo racisme s'institucionaliza. Quand nos reviram per i reagir, es ja tròp tard. En 36, los Republicans de Catalonha, Euskadi e Espannha cridavan ajuda. Los estats democratics fintèron aqueles Republicans insomeses (al Stalin) amb mesprètz. Puèi l'ultradrèita acabèt per agantar Euròpa tota. La leçon del passat, jamai non la revisarem pro. Los Istorians e los (bons) jornalistas, es lor fonccion d'o nos remembrar sempre, mai que de nos assucar sempre amb de propaganda nacionalista centralista e imperialista…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari