Actualitats
Mónegue es un dels darrièrs estats d’Euròpa al classament dels dreches LGBTI
De las 60 leis e politicas qu’analisa l’ILGA, Mónegue solament ne complís l’11%. Itàlia n’obsèrva lo 23%, França lo 56% e Espanha lo 67%
L’Associacion Internacionala dels Gais e Lesbianas (ILGA segon sa sigla en anglés) a classat lo Principat de Mónegue a la 45a plaça sus 49 païses d’Euròpa en foncion dels dreches e las libertats acordadas a las personas LGBTI. Atal se situa entre Bielorussia (classa 44a) e Russia (46a), çò rapòrta Libération.
Nos poiriá estonar aqueste classament, se prenèm en compte que Mónegue es pas un endrech ont lo collectiu LGTBI patisca de persecucions ni de repression, mas l’ILGA verifica se las leis dels païses considèran una discriminacion de dreches del collectiu LGBTI fàcia a las personas eterosexualas; autrament dich, se totes an lo meteis drech de se maridar, se i a de proceduras per decidir lo genre, se l’identitat trans es pas pus vista coma una patologia... E de las 60 leis e politicas qu’analisa l’ILGA, Mónegue solament complís l’11%. Son de leis e politicas qu’an un impacte dirècte suls dreches d’aquel collectiu segon sièis categorias: egalitat e non-discriminacion, familha, crimes e discors d’òdi, reconeissença legala del genre e integritat corporala, espaci de la societat civila e asil.
Segon l’ILGA, lo Principat de Mónegue garentís un espaci de la societat civila per las personas LGBTI mas existís pas lo drech al maridatge per totes ni cap de lei qu’enseguisca los discorses d’òdi envèrs l’orientacion sexuala. A partir del 27 de junh que ven, los parelhs omosexuals poiràn beneficiar de dreches de coabitacion, mas per l’ILGA aquò es pas pro.
Quant als autres estats que pertòcan Occitània, Itàlia es a la 34a posicion del classament en observant solament lo 23% dels dreches qu’analisa l’ILGA, França es a la 13a plaça en complissent lo 56% dels dreches mentre qu’Espanha es en 6a posicion en respectant lo 67% d’aqueles dreches. Lo país d’Euròpa que considèra mai los dreches analisats per l’ILGA es Malta, que ne complís l’89%.
Nos poiriá estonar aqueste classament, se prenèm en compte que Mónegue es pas un endrech ont lo collectiu LGTBI patisca de persecucions ni de repression, mas l’ILGA verifica se las leis dels païses considèran una discriminacion de dreches del collectiu LGBTI fàcia a las personas eterosexualas; autrament dich, se totes an lo meteis drech de se maridar, se i a de proceduras per decidir lo genre, se l’identitat trans es pas pus vista coma una patologia... E de las 60 leis e politicas qu’analisa l’ILGA, Mónegue solament complís l’11%. Son de leis e politicas qu’an un impacte dirècte suls dreches d’aquel collectiu segon sièis categorias: egalitat e non-discriminacion, familha, crimes e discors d’òdi, reconeissença legala del genre e integritat corporala, espaci de la societat civila e asil.
Segon l’ILGA, lo Principat de Mónegue garentís un espaci de la societat civila per las personas LGBTI mas existís pas lo drech al maridatge per totes ni cap de lei qu’enseguisca los discorses d’òdi envèrs l’orientacion sexuala. A partir del 27 de junh que ven, los parelhs omosexuals poiràn beneficiar de dreches de coabitacion, mas per l’ILGA aquò es pas pro.
Quant als autres estats que pertòcan Occitània, Itàlia es a la 34a posicion del classament en observant solament lo 23% dels dreches qu’analisa l’ILGA, França es a la 13a plaça en complissent lo 56% dels dreches mentre qu’Espanha es en 6a posicion en respectant lo 67% d’aqueles dreches. Lo país d’Euròpa que considèra mai los dreches analisats per l’ILGA es Malta, que ne complís l’89%.
#RainbowEurope 2020 is live! @ILGAEurope ranks 49 European countries on their legal and policy situation for LGBTI people. Find out more on https://t.co/aTIBONQOI3pic.twitter.com/K1jzUobAEu
— ILGA-Europe (@ILGAEurope) May 14, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 clar, mès que cau imaginar çò que passa en cumular los dus en Espanha?
Espanha lo 67% ? E ben dins lo reialme d'Espanha, mièlhs val d'anar LGBTI que republican catalan !
E l'Albèrt ditz pas res ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari