L’iPod d’Apple, lo primièr lector numeric de musica largament estendut, es de l’an 2001. Mas, de precedents, n’i aviá ja. Pasmens, èran benlèu pas tan alonhats coma l’aparelh que se pòt veire dins aqueste filme dels archius de British Pathé, de l’an 1921, ochanta ans abans l’espelida de l’iPod.
 
Pendent gaireben doas minutas, s’i pòt veire una gojata que se plaça un petit engenh sus la camba, de la mesura d’un iPod, e que i connècta una sòrta de casco. Dins la part finala del vidèo, se la vei a se passejar per París amb l’aparelh, que l’escota e que i parla.
 
L’archiu de British Pathé conten nonanta mila petits filmes ancians, classificats en nòu categorias: léser, personatges istorics, mòda e musica, espòrt, religion e politica, cultura e estil de vida, comèrci e indústria, viatges e exploracion, e guèrra e revolucion.