Actualitats
“Levatz lo genolh de nòstre còl!”: las funeralhas de George Floyd
En sortissent de la cambra funerària, los caps de la polícia de la vila, responsables del policièr que lo tuèt, s’agenolhèron davant lo taüt
Las funeralhas de George Floyd an fach reviscolar las protèstas pacificas long de totes los Estats Units. En sortissent de la cambra funerària, los caps de la polícia de la vila, responsables del policièr que lo tuèt, s’agenolhèron davant lo taüt. Tanben lo cònsol màger de Minneapòlis metèt un genolh al sòl e plorèt davant lo taüt, aganit après dètz jorns de protèstas, de susmautas e quitament de sacatges.
Participèron a las funeralhas de centenats de personas dont la familha de Floyd, de representants de la comunautat afroamericana, de politicians locals e d’activistas antiracistas.
La ceremònia la presidiguèt lo reverend Al Sharpton, conegut per sa lucha pels dreches civils. Dins son parladís faguèt un bon resumit de çò que pensan los ciutadans que manifèstan per carrièras en seguida del crime:
Mentretant, las manifestacions de protèsta demòran vivas dins las principalas vilas dels Estats Units.
Participèron a las funeralhas de centenats de personas dont la familha de Floyd, de representants de la comunautat afroamericana, de politicians locals e d’activistas antiracistas.
La ceremònia la presidiguèt lo reverend Al Sharpton, conegut per sa lucha pels dreches civils. Dins son parladís faguèt un bon resumit de çò que pensan los ciutadans que manifèstan per carrièras en seguida del crime:
“Çò qu’arribèt a Floyd es çò qu’arriba cada jorn als negres d’aqueste país pertocant l’educacion, la santat e totes los aspèctes de la vida. Es ora de nos alçar en nom de George e de dire: levatz lo genolh de nòstre còl!”
Mentretant, las manifestacions de protèsta demòran vivas dins las principalas vilas dels Estats Units.
"Quitadnos la rodilla del cuello", exige un activista en el funeral de George Floyd https://t.co/03YFwu9EZFpic.twitter.com/AElbCE9ngU
— Reuters Latam (@ReutersLatam) June 5, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari