capçalera campanha

Actualitats

PoliticaSocietat

Las protèstas contra lo racisme son arribadas pertot en Euròpa

En Occitània, las manifestacions se multiplican en remembre de totas las victimas de las violéncias policièras

| @MaryFitzger
Las protèstas contra lo racisme en seguida del murtre de George Floyd per un policièr als Estats Units son arribadas pertot en Euròpa, dont tanben en Occitània. Aquesta dimenjada, de centenats de milièrs de personas manifestèron dins las principalas vilas del país e del continent, malgrat los avertiments oficials e las non-autoritzacions a causa de la covid-19.
 
Dins l’encastre europèu, las manifestacions pus nombrosas se son tengudas a Londres, París e Berlin mas son estadas tanben fòrça massissas a Madrid, Barcelona, Gènoa, Roma e quitament Budapèst. Pertot, las molonadas an observat uèch minutas de silenci en metent un genolh al sòl, un gèst vengut lo simbòl d’aquesta protèsta.
 

En Occitània contra las violéncias policièras
 
A Marselha, los manifestants, 3000 segon La Provence, s’acampèron dissabte jol crit “assassins, la polícia”. La manifestacion se tenguèt sul Pòrt Vielh e marchèt devèrs la Canabièra. Al micro, las presas de paraula insistiguèron sul “racisme sistemic que buta a las violéncias policièras”. A l’acabada de la manifestacion i aguèt d’afrontaments amb la polícia amb un bilanç d’uèch personas detengudas.
 
A Niça, 2500 personas an tanben manifestat aqueste dissabte sul Camin deis Anglés jol crit “cridi, risi, plori coma tu”. L’acamp, totalament espontanèu, amassava sustot de gents joves, segon France 3. La polícia intervenguèt pas e mai la manifestacion foguèsse pas autorizada.

 
Remembre de l’afar d’Adama Traoré
 
Aquestas manifestacions seguisson las de dimècres passat, ont a Marselha, a Tolosa e per tot lo país de milièrs de personas cridèron contra lo racisme e las violéncias policièras. Las mobilizacions an recordat l’afar d’Adama Traoré, un jove de 24 ans mòrt lo 19 de julhet de 2016 dins la gendarmariá de Persan, al nòrd de París, après èsser arrestat per la polícia francesa.

 
Pau: Libertat crida a manifestar deman
 
Deman, dimars 9 de junh, se tendrà a 18h30 una manifestacion a Pau que partirà de la Plaça Peyroulet jol lèma “Non a las violéncias policièras, non au racisme, que òc entà ua justícia vertadèra!”
 
Segon la crida, que l'a facha Libertat, s’apèla a participar dins lo respècte de las consignas sanitàrias “entà’s bàter contra lo racisme e la violéncia estructurau deus estats francés, americans, e los autes deu monde sancèr”. Dins aquel sens, los manifestants se rapèlan deus murtres de Georges Floyd, Adama Traoré, Ibrahima Bah , Steve Maia Canico, Zineb Redouane, Ali Ziri, Rémi Fraisse, Aboubacar Fofana...”

 
 
 
 
 
 
 

 

 
 
 
abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

gilos
7.

#6 per ma part, arren. lo naufragi de Libertat, lo procès de patz au Bascoat e la desbandada de l'esquèrra europenca m'an hèit eslunhar de la politica per un bon moment, ce'm credi.
lo monde a mielhs a héser adara que soscar a l'idèa de progrès : guaitar de longa au telefonet, se tirar fòtos egocentradas a tot pip-pap. jo me sheiti rasis lo camin e remiri, perplèxe.

  • 2
  • 0
Black Blòc Joe
6.

#4 E donc, qué fasèm ?

  • 5
  • 0
ltrobat
5.

#2
Adishatz Mossur Zemmour!

  • 5
  • 4
gilos
4.

#1 aqueras manifestacions entrepachan digun de se héser tondre, malurosament. ne son pas briga luta politica, en nat de biaish miaçan lo racisme organizat de la societat occidentala.
hèn partida dau jòc. son la cara opausada de la violéncia policiala, dens la logica capitalista, una mena de yin e de yang : lo sistèmi n'a besunh ende héser créder es aubèrt e democratic, quand en realitat arren non pòt pas cambiar pr'amor lo sistèmi es emparat sus la violéncia racista (gestion deus migrants, daus tribalhadors de color, de l'istòria coloniala e esclavagista, relacions Françafrica...). escota Castaner, gèir : es lo purmèir antiracista de França, adara. per contre, la politica migratòria bolegarà pas, e l'estat contunharà sons afars shens cambiar arren.
quinze jorns, e los tres quarts de las aulhas tornaràn a una auta indignacion. cambiaràn sas fòtos de facebook e haut !

  • 2
  • 1
Black Blòc Joe
3.

#1 As plan rason : val mai daissar córrer e encoratjar la polagalha a nos trucar sempre mai fòrt !

Son racistas geografics, mas t'inquietes pas, son tanben racistas classistas… E la violéncia i es la meteissa. Un capitalisme sense oposicion reala — es a dire sense anticapitalisme estricte — deriva imparablament cap al fascisme de fait. Se nos i daissam tondre, non se caldrà venir plànher quand serà tròp tard. E vist que non podèm comptar subre de partits que sonque se pretendon d'esquèrra, l'oposicion anticapitalista e antifascista, aqu'o es nosautres, o res mai.

  • 13
  • 2

Escriu un comentari sus aqueste article