Actualitats
S’es publicat lo primèr disc de rap en aragonés
Lo cantador Krevi Solenco a cercat de dignificar aquesta lenga amb son emplec dins una musica mai que mai urbana
S’es publicat lo primèr disc de rap en aragonés del cantador Krevi Solenco. S’entitola Os chardins de Shalimar (los jardins de Shalimar) e totas las cançons de l’album se pòdon escotar liurament sus YouTube.
Krevi Solenco a volgut metre a l’onor aquesta lenga qu’a patit lo mesprètz. Per el, l’album “es un projècte que lucha per l’aragonés. Es un trabalh per mostrar l’aragonés, l’emplegar coma un esplech d’aprendissatge e ensajar de dobrir aquesta lenga a las nòvas generacions amb un genre musical que gaireben jamai non s’èra emplegat en aragonés”.
Los jardins de Shalimar son de jardins de la vila de Lahore, en Paquistan, creats en 1641 per l’emperaire mogòl Shâh Jahân e inscriches al patrimòni mondial de l’UNÈSCO. Pel cantador aragonés son tanben una allegoria de la natura, dels arbres, de las plantas, de la fauna... dins una granda vila. Atal vòl dignificar l’aragonés amb son emplec dins una musica urbana en una lenga de la quala se pensava que servissiá sonque per parlar de montanhas e d’animals.
Escotatz tot l’album Os Chardins de Shalimar.
Krevi Solenco a volgut metre a l’onor aquesta lenga qu’a patit lo mesprètz. Per el, l’album “es un projècte que lucha per l’aragonés. Es un trabalh per mostrar l’aragonés, l’emplegar coma un esplech d’aprendissatge e ensajar de dobrir aquesta lenga a las nòvas generacions amb un genre musical que gaireben jamai non s’èra emplegat en aragonés”.
Los jardins de Shalimar son de jardins de la vila de Lahore, en Paquistan, creats en 1641 per l’emperaire mogòl Shâh Jahân e inscriches al patrimòni mondial de l’UNÈSCO. Pel cantador aragonés son tanben una allegoria de la natura, dels arbres, de las plantas, de la fauna... dins una granda vila. Atal vòl dignificar l’aragonés amb son emplec dins una musica urbana en una lenga de la quala se pensava que servissiá sonque per parlar de montanhas e d’animals.
Escotatz tot l’album Os Chardins de Shalimar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seria plan positiu que la lenga aragonesa prengués força, tant escrita com parlada. Mas la dreta reaccionaria d'Aragon som mai fachas e reaccionaris que paca la culona.
L´Estat Espanhol e lo Gobern de Aragó tènen marginat la lenga occitanoromana com és la lenga d´Aragó.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari