Actualitats
Carole Delga s’engatja per l’occitan, son ensenhament e sa transmission
La presidenta de la region vòl que totes los escolans ajan la possibilitat d’accedir a l’ensenhament en occitan o catalan
La presidenta de la region qu’a pres lo nom d’Occitània, Carole Delga, a manifestat son engatjament que dins aquela region totes los escolans ajan la possibilitat d’accedir a l’ensenhament de l’occitan, o del catalan dins lo cas de Catalonha Nòrd.
Dins una letra dobèrta escricha lo 5 de junh passat, Delga manifèsta son engatjament a valorizar la lenga e la cultura occitanas, son ensenhament e sa transmission, e ramenta la convencion signada en 2017 amb la ministra de l’educacion d’alara, Najat Vallaud-Belkacem, per assegurar los mejans financièrs e umans per l’educacion en occitan. Pasmens, Delga manifèsta son chepic sus la degradacion de las condicions d’ensenhament de l’occitan e torna afortís la volontat de la region “a far avançar lo desplegament de l’aprendissatge de la lenga occitana dins las escòlas de nòstre territòri”.
Delga detalha una seguida d’accions coma la borsa Ensenhar que la prepausa l’Ofici Public de la Lenga Occitana per venir professor d’occitan e lo mantenement dels projèctes educatius culturals en catalan e occitan (PEC-CO) aital coma lo projècte pedagogic occitan de l’Acadèmia de Montpelhièr que se desplega a l’ora d’ara en Roergue.
A mai, Delga a demandat a Patric Roux que parle amb los servicis de l’Educacion Nacionala francesa a prepaus de las modalitats d’aplicacion de la convencion adès mençonada “amb la tòca de trobar de perspectivas positivas per cada departament” de la region. Dins aquel sens, la presidenta Delga afirma que velharà a l’aplicacion de las convencions academicas per la rintrada escolara 2020-2021.
Preséncia de la lenga dins los espacis publics
Mas l’engatjament de Carole Delga per la lenga occitana va delà l’educacion. Dins sa letra, assegura qu’a encargada la Direccion de la cultura e del patrimòni de trabalhar activament a la preséncia de la lenga nòstra “dins los espacis publics, lo transpòrt, lo torisme, l’espòrt”. Tanben vol la lenga ben presenta sus la senhaletica de la region “e particularament dins los establiments escolars” en saludant l’exemple del licèu de l’Isla de Baish, qu’ela qualifica d’un “bilingüisme exemplar d’una socializacion reüssida de la lenga”.
Responsa del CRÈO de Tolosa
Lo Centre Regional dels Ensenhaires d’Occitan (CRÈO) a respondut a la letra de Delga en li detalhant ponch per ponch “l’urgéncia de la situacion” actuala que “jamai es non estada tan preocupanta”. En mai de la reforma Blanquer, se mençona la desconeissença de cossí l’occitan serà pres en compte per aquesta session de bachelierat, lo confinament e lo desconfinament parcial, la politica del “tot anglés”... Mas sustot lo CRÈO soslinha que la convencion signada fa mai de tres ans es pas encara aplicada.
Dins una letra dobèrta escricha lo 5 de junh passat, Delga manifèsta son engatjament a valorizar la lenga e la cultura occitanas, son ensenhament e sa transmission, e ramenta la convencion signada en 2017 amb la ministra de l’educacion d’alara, Najat Vallaud-Belkacem, per assegurar los mejans financièrs e umans per l’educacion en occitan. Pasmens, Delga manifèsta son chepic sus la degradacion de las condicions d’ensenhament de l’occitan e torna afortís la volontat de la region “a far avançar lo desplegament de l’aprendissatge de la lenga occitana dins las escòlas de nòstre territòri”.
Delga detalha una seguida d’accions coma la borsa Ensenhar que la prepausa l’Ofici Public de la Lenga Occitana per venir professor d’occitan e lo mantenement dels projèctes educatius culturals en catalan e occitan (PEC-CO) aital coma lo projècte pedagogic occitan de l’Acadèmia de Montpelhièr que se desplega a l’ora d’ara en Roergue.
A mai, Delga a demandat a Patric Roux que parle amb los servicis de l’Educacion Nacionala francesa a prepaus de las modalitats d’aplicacion de la convencion adès mençonada “amb la tòca de trobar de perspectivas positivas per cada departament” de la region. Dins aquel sens, la presidenta Delga afirma que velharà a l’aplicacion de las convencions academicas per la rintrada escolara 2020-2021.
Preséncia de la lenga dins los espacis publics
Mas l’engatjament de Carole Delga per la lenga occitana va delà l’educacion. Dins sa letra, assegura qu’a encargada la Direccion de la cultura e del patrimòni de trabalhar activament a la preséncia de la lenga nòstra “dins los espacis publics, lo transpòrt, lo torisme, l’espòrt”. Tanben vol la lenga ben presenta sus la senhaletica de la region “e particularament dins los establiments escolars” en saludant l’exemple del licèu de l’Isla de Baish, qu’ela qualifica d’un “bilingüisme exemplar d’una socializacion reüssida de la lenga”.
Responsa del CRÈO de Tolosa
Lo Centre Regional dels Ensenhaires d’Occitan (CRÈO) a respondut a la letra de Delga en li detalhant ponch per ponch “l’urgéncia de la situacion” actuala que “jamai es non estada tan preocupanta”. En mai de la reforma Blanquer, se mençona la desconeissença de cossí l’occitan serà pres en compte per aquesta session de bachelierat, lo confinament e lo desconfinament parcial, la politica del “tot anglés”... Mas sustot lo CRÈO soslinha que la convencion signada fa mai de tres ans es pas encara aplicada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Carole Delta que’s pervau d’un engatjament sur ensenhament de l’occitan… a la bona òra ! A Bordèu, la convencion academica qu’estot signada en genèr 2017, a Lemòtges en heurèr 2018, tot en seguint de la convencion ministeriau, de la quau Carole Delta que pareish desbrembar qu’aquera estot negociada e obtenguda per l’Ofici public de la lange occitana… E quid de Montpelhièr, on manifèstament arren n’a pas avançat au cors de las quate darrèras annadas ? Dans ua situacion a çò que sembla blocada, se Carole Delga vòu engatjà’s, qu’a sonque ua telefonada a passar… Qué díser de las borsas Ensenhar, que son aubridas despuish longtemps en Navèra-Aquitània e pas enqüèra en Occitània ? E qué díser tanben deu contracte tà l’audiovisuau occitan, qu’es de mei de 250 000 euros per an en Navèra-Aquitània e qu’es hòrt mendre en Occitania ? Hèitas, senon qu’es chapilh e fotiròla !
Normalament, una presidenta socialista defend lo pòble, e lo pòble d'Occitania es occitan. Donc, plan normalement, la presidenta defend la lenga normala de sa region,e la dignitat del pòble que ne fa partida. Çò contrari, non seriá socialista, mas al contrari supremacista, racista, inegalitarista. Bon, après, abans de pervenir a la defensa d'una lenga al nivèl dels elegits catalans, Na Caròla Delgà a encara qualques talveras per manobrar, e de camin de percórrer. Mas nos cal èsser pedagogics e positius, e encoratjar francament tot socialista qu'assaja encara, un pauc azardosament, de se mostrar d'esquèrra.
Òsca, dòna presidenta, es fòrça important d'assumir publicament lo vòstre sosten, que fòrça n'an encara vergonha. Ara cal mai de declaracion publica, en espérant mai de monèda.
una annada abans la fin de son mandat, mentre que lo sieu partit acaba de s'escantir, quina valentia! Mercé plan, mas votarai per la tièra occitana.
#4 Exactament. Se prononcèsse contra l'occitan, la presidenta se fariá insultar. Que se pronóncie favorabla, e totes se trufan d'ela ? Qué vòlon, fin finala ? Que la presidenta lève una milícia populara, cride a la fromacion de brigadas internacionalas e que ne venga a lutar coma Mika Etchebehèra, armas a la man, contra los fascistas del governament actual ?
Aquesta elegida non es dins un filme ! Plan venguts dins lo mond real ! Fa çò que pòt, un pauc mai que res, per far un pauc avançar las causas. Li cal ajudar. La cal incitar, atissar a aquò. Cal qu'aja l'impression qu'aquò es ben, la bona direccion. Pas pro luènh, plan segur.
#2 Mas… mai vos agrada Blanquer ? Blanquer, el, al mens, fa avançar l'anglés, petot, e per totes ! Aquò, segur qu'es d'eficacitat, non ? O benlèu mai vos agrada Mélanchon, que tan plan nos defend, eroïcament, dins nòstre dreit a la diversitat culturala e linguïstica !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari