Actualitats
La justícia comença d’enquistar sul rei emerit espanhòl Joan Carles Ir
Quatre procuraires de la Cort Suprèma an dobèrt una enquista per blanquiment d’argent e delicte fiscal. Mas lo monarca poirà solament èsser acusat de çò qu’auriá fach après son abdicacion en 2014
La justícia comença de menaçar lo rei emerit espanhòl Joan Carles Ir, çò publica Eldiario.es. La Cort Suprèma espanhòla a dobèrt una enquista sus Joan Carles de Borbon per corrupcion en seguida de las revelacions de Corina Larsen, l’èx-galanta del monarca. Segon aquelas informacions, Joan Carles de Borbon teniá, a son nom, al nom de Larsen o a de falses noms, de terrenhs en Marròc, de comptes bancaris en Soïssa e d’autras riquesas sortidas de las comissions que l’Arabia Saudita aviá pagadas en seguida de las negociacions per la construccion d’una linha de nauta velocitat entre La Mèca e Medina.
Ça que la, la Cort a dich que lo rei emerit poiriá èsser solament jutjat per çò qu’auriá fach après junh de 2014, quand abdiquèt en favor de son filh, Felip VI, car abans èra inviolable segon la lei: “L’enquista se centra, justament, a delimitar o escartar l’importància penala dels faches qu’aguèron luòc après lo mes de junh del 2014, quand lo rei emerit quitèt d’èsser protegit per l’inviolabilitat que l’article 56.3 de la Constitucion espanhòla reconeis al cap de l’estat”.
Una enquista en Soïssa
Tanben la justícia de Soïssa a dobèrt una enquista après que La Tribune de Genève publiquèt que Joan Carles Ir aviá en 2008 cent milions de dolars sus un compte de Genèva, qu’èra un present del rei Abd Allah d’Arabia Saudita. Lo compte èra dins la banca Mirabaud e al nom de la Fondacion Lucum, una entitat panamenca que son sol beneficiari es justament Joan Carles de Borbon.
A l’ora d’ara, lo rei emerit espanhòl auriá una fortuna que, segon The New York Times e Forbes, es estimada a 1,7 miliard d’èuros.
De menaças e constrenchas
Las revelacions de Corina Larsen van mai luènh. Fa qualques jorns, respondèt per escrich a las questions de la television publica de Bascoat EiTB ont acusava l’actual rei, Felip VI, d’una campanha de menaças e constrenchas que denonciarà a la justícia anglesa.
Joan Carles establiriá son domicili dins la Republica Dominicana
De son latz, Diario 16 rapòrta en exclusivitat que Joan Carles Ir auriá establit son domicili dins la Republica Dominicana, dins una zòna residenciala sonada "La Romana", ont tanben an de proprietats l’èx-president del govèrn espanhòl Felipe González e la familha Clinton, demest d’autres.
Ça que la, la Cort a dich que lo rei emerit poiriá èsser solament jutjat per çò qu’auriá fach après junh de 2014, quand abdiquèt en favor de son filh, Felip VI, car abans èra inviolable segon la lei: “L’enquista se centra, justament, a delimitar o escartar l’importància penala dels faches qu’aguèron luòc après lo mes de junh del 2014, quand lo rei emerit quitèt d’èsser protegit per l’inviolabilitat que l’article 56.3 de la Constitucion espanhòla reconeis al cap de l’estat”.
Una enquista en Soïssa
Tanben la justícia de Soïssa a dobèrt una enquista après que La Tribune de Genève publiquèt que Joan Carles Ir aviá en 2008 cent milions de dolars sus un compte de Genèva, qu’èra un present del rei Abd Allah d’Arabia Saudita. Lo compte èra dins la banca Mirabaud e al nom de la Fondacion Lucum, una entitat panamenca que son sol beneficiari es justament Joan Carles de Borbon.
A l’ora d’ara, lo rei emerit espanhòl auriá una fortuna que, segon The New York Times e Forbes, es estimada a 1,7 miliard d’èuros.
De menaças e constrenchas
Las revelacions de Corina Larsen van mai luènh. Fa qualques jorns, respondèt per escrich a las questions de la television publica de Bascoat EiTB ont acusava l’actual rei, Felip VI, d’una campanha de menaças e constrenchas que denonciarà a la justícia anglesa.
Joan Carles establiriá son domicili dins la Republica Dominicana
De son latz, Diario 16 rapòrta en exclusivitat que Joan Carles Ir auriá establit son domicili dins la Republica Dominicana, dins una zòna residenciala sonada "La Romana", ont tanben an de proprietats l’èx-president del govèrn espanhòl Felipe González e la familha Clinton, demest d’autres.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas tròp lèu…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari