Lo ministre de l’Interior de França, Christophe Castaner, a enebit als policièrs que fagan un usatge excessiu de la fòrça. Demest las practicas interdichas i a la de l’escanament que consistís a prene los detenguts pel còl o d’i metre dessús un genolh quand lo detengut es al sòl. Aquela tecnica, segon Castaner, “s’abandonarà e serà pas ensenhada dins las escòlas per policièrs e gendarmas”. Dins aquel sens, Castaner a dich que “la polícia francesa es pas l’estatsunidenca” e que “cap de racista pòt pas portar dignament l’unifòrme de policièr o de gendarma”.
 
Lo ministre a tanben anonciat una reforma en las institucions de contraròtle intèrne dels còrses de seguretat publics, que son reïteradament criticats per lor parcialitat e lor emplec excessiu de la fòrça. De fach, dins las darrièras annadas, la violéncia de la polícia francesa es estada extrèmament inquietanta e sens precedents.
 
Dins las darrièras manifestacions antiracistas après lo murtre de George Floyd, dins tot l’estat francés los manifestants an remembrat l’afar d’Adama Traoré.
 

 

Aucun accroc à la déontologie ne peut être toléré.
Aucun raciste ne peut porter dignement l'uniforme de policier ou de gendarme.
J'ai demandé à ce qu'une suspension soit systématiquement envisagée pour chaque soupçon avéré d'acte ou de propos racistes. pic.twitter.com/8ow0ITS2AC

— Christophe Castaner (@CCastaner) June 8, 2020