Actualitats
Estats Units: las protèstas per la mòrt de George Floyd fan fruch
Las comunas de Nòva York e Los Angeles reduiràn lo budget de la polícia del temps que los democratas s’afanan de prepausar de reformas legislativas
Las nombrosas protèstas contra la mòrt de George Floyd començan d’aver d’efièches politics. En mai de la reforma radicala de la polícia que la fa la ciutat de Minneapòlis e qu’anonciàvem dimars passat, de congressistas, de conselhs municipals e quitament de govèrn dels estats començan de trabalhar per far venir realitat las revendicacions dels manifestants.
Lo cònsol màger de Nòva York, al començament, aviá enebit a la polícia l’opression sul còl coma tecnica d’immobilizacion. Mas ara, a mesura que las protèstas se son intensificadas, es anat mai luènh e a anonciat que reduiriá lo budget de la polícia d’aquela ciutat. La comuna de Los Angeles a anonciat de mesuras similaras.
Per totes los Estats Units, los legislators an capitat a aprovar una tièra de mesuras gaireben sens precedents, que comprenon l’anullacion de la règla d’amagar al public los antecedents dels agents.
De lor costat, los democratas an tanplan reagit a la Cambra dels Representants, la sola del Congrès ont ajan la majoritat, en tot entamenar de mesuras istoricas. Après uèch minutas de silènci amb un genolh mes al sòl, anoncièron que los excèsses policièrs serián desenant considerats coma de delictes d’òdi, que se proïbiriá als policièrs la tecnica d’opression sul còl e que rendrián obligatòri l’emplec de camèras per enregistrar las accions de cada policièr. En mai d’aquò, an anonciada la creacion d’un registre federal de donadas suls antecedents dels agents.
Mentretant, la majoritat republicana al Senat sembla de voler pas aviar cap de cambiament, e declara que crenh que las mesuras impulsadas pels democratas empediscan la polícia de far sa tasca per luchar contra lo crime.
Per carrièras, las revendicacions contunhan.
Lo cònsol màger de Nòva York, al començament, aviá enebit a la polícia l’opression sul còl coma tecnica d’immobilizacion. Mas ara, a mesura que las protèstas se son intensificadas, es anat mai luènh e a anonciat que reduiriá lo budget de la polícia d’aquela ciutat. La comuna de Los Angeles a anonciat de mesuras similaras.
Per totes los Estats Units, los legislators an capitat a aprovar una tièra de mesuras gaireben sens precedents, que comprenon l’anullacion de la règla d’amagar al public los antecedents dels agents.
De lor costat, los democratas an tanplan reagit a la Cambra dels Representants, la sola del Congrès ont ajan la majoritat, en tot entamenar de mesuras istoricas. Après uèch minutas de silènci amb un genolh mes al sòl, anoncièron que los excèsses policièrs serián desenant considerats coma de delictes d’òdi, que se proïbiriá als policièrs la tecnica d’opression sul còl e que rendrián obligatòri l’emplec de camèras per enregistrar las accions de cada policièr. En mai d’aquò, an anonciada la creacion d’un registre federal de donadas suls antecedents dels agents.
Mentretant, la majoritat republicana al Senat sembla de voler pas aviar cap de cambiament, e declara que crenh que las mesuras impulsadas pels democratas empediscan la polícia de far sa tasca per luchar contra lo crime.
Per carrièras, las revendicacions contunhan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a agut un altre assassinat d'un ome negre per la policia a Atlanta, per què a un control d'alcoolemia a donat positiu l'an engrilhonat e el s'a escapat corrents, e la policia li a disparat tres trets que l'an matat. I a videos que la gent ha filmat amb los sieus portatils.
Los "joves" contra la políca. Los Gilets Jaunes (e los black blocs) contra la políca. Los ciutadans electors de Catalonha contra la polícia. Los sindicalistas e los (vertadirès) ecologistas (anticapitalistas, donc, plan segur, fòrça logicament) contra la polícia; Los personals de santat per carrièra contra la políca. Fins finala, aquò se ditz "la convergéncia de las lutas" e es tot çò que los govèrns capitalistas defugisson mai, tant coma pòdon. Lo paure Jòrdi Floyd, eròi nòstre, es mòrt assassinat a la bona data, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari