Actualitats
Lo departament de la Nauta Garona comença d’emplegar l’occitan dins la senhaletica
An installat 75 panèls d’intrada en occitan dins lo departament, e an senhalizat en occitan la Via Garona e lo bòsc de Buset
Lo Conselh Departamental de la Nauta Garona a installat sus las estradas departamentalas de panèls en occitan d’intrada dins lo departament. “Lo departament s’es engatjat a favorizar la promocion de la lenga occitana dins l’espaci public”, çò dison las autoritats departamentalas suls rets socials en especificant que s’es pausat 75 panèls, 42 en lengadocian e 33 en gascon.
A mai, an mes en plaça d’autras senhalizacions en occitan dins lo bòsc de Buset (Frontonés) e long del percors de la draia sonada Via Garona, que connècta Tolosa e Sant Bertran de Comenge per descobrir lo país a pè.
Lo departament de la Nauta Garona conten una partida del Bas Carcin, lo Comenge Bas, Frontinhas e Bavartés, Frontonés, Lauragués, Cuenta Luishonés, Nebosan, lo País d’Aspèth e Salias, Savés, Tolosan, Verdunés e Volvèstre.
A mai, an mes en plaça d’autras senhalizacions en occitan dins lo bòsc de Buset (Frontonés) e long del percors de la draia sonada Via Garona, que connècta Tolosa e Sant Bertran de Comenge per descobrir lo país a pè.
Lo departament de la Nauta Garona conten una partida del Bas Carcin, lo Comenge Bas, Frontinhas e Bavartés, Frontonés, Lauragués, Cuenta Luishonés, Nebosan, lo País d’Aspèth e Salias, Savés, Tolosan, Verdunés e Volvèstre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Endavant amb la rotulacion en Oc. Cal avançar cada jorn.
#2
Tras que bona question !
Qualques temps i a, aviái pauzat la question d’aquela mena :
Son 35 000 professors d’anglés dins fransa nos apevant sus aquela chifra me demandavi dins quantes de temps se sariá pogut aver 35 000 professors d’occitan ?
Quantes n’en caldriá formar cada annada e quantes de temps nos caldriá per adezar a-n-aquela amira.
Aguèri cap de responsas. Convèni que son questions reguèrgas, mas son ambe de questions atal que se pauzan los vertadièrs problèmas e que poirèm nos i acarar. Es dins la dificultat que se vençit !
Quand disi que se fasian parlar los panèls, es pas tant truca luna qu’aquò (de tot biais plan mens que tota la propaganda d’ultrà esquèrra emborniada) : Se troba sul mercat « cdiscount » de per tsemple, lums que foncionan ambe detector de movament pretz 20€, sufí s de remplaçar lo lum o apondre en mai del lum r « setz planvenguts en garona nauta » es pas l’aulet çaquelà ?
Alavetz quora dins garona nauta aurèm 75 professors d’occitan ?
Question:
i son aitan de panèls en occitan que de professors d'occitan dins lo departament 31?
Degun non pòt diser qu’es pas bona causa !
Tenem aqui lo signe d’una volontat afiscada, anonçada, dicha e redicha, querdada, escrita sus las mirondèlas d’en pertot. Avèm tanben una brava desvariança. Per de que ? De qu’unas porian èsser las fruchas d’aquela accion remirable se n’en foguèc ; o mailèu de qu’unas son las fruchas esperadas e las fruchas realas (lo retorn d’investissament) o se voletz los dividendes….. Sabi ben pron que dins aquel monde d’occitanistes reguergues d’ultrà esquèrra lo « dividende » es mot enebit, pr’aquo l’empacha pas d’existir ambe meriti :)
Atermenam lo territòri ça diretz ambe razon çaquelà. Un atermenament mut !
Caldriá far parlar las mirondèlas, aqui una autra escomesa granda ont se cal pas anar entrametre. Aquò rai es tecnicament possible d’o far, lo tot alimentat per un pichon panèl solari e fai tirar quora passas a 20 o 50 metres : « benvengunda en garona nauta », segur que balhariá la ruca a mai d’un…
Miladius i tòrni enquèra areis que soi !
Nòstra lenga es dins un estat d’abordiment seriós (optimiste biais de diser) , lo punt de caplèu es estat rescompassat ja desempuèi d’annadas ont avèm patit, dels locutors que s’en tornavon còsta de la paura joana* e de l’impossibilitat de transmetre nòstra lenga d’un biais eficaç quantitat, qualitat, o pel mens a un nivèls, que s’a lo famós « meriti d’existir », torna pas lo frucham bèl e gostós. Aqui tanben degun pòt diser que çò fach fusquèc pas bona causa. La pagela es mendre que la esperada, somiada.
Avem aqui un montèt de bonas causas que se fan d’aici d’ailà de còps en còps ambe còrs e còs e que sufisan pas per tornar alssar los nivèls e nos amodar la set nòstra de lenga nòstra resclantissanta.
Soi a me gratussar la crapana dins l’esper d’una idèia regisclanta de la brustiá, me disi tanben que res non val un estirgonhal de cap simbolisat per un algorisme que nos accordariá una escasença d’èsser benlèu melhor que sèm.
Mas aqui se toca l’ego occitaniste pesuc que daissa las mans moissas, tanben contunharèm de mascanhar e de cascantejar. Nos poirèm totjorn refaudir dins lo mantel traucat abenat de l’ultrà esquèrra claufida d’un refofum de traucs, es un biais de vèire en realitat es pas un trauc, es un tomple.
Los polças roges son acceptats e los timplals tanben !
*Cadun o sap la paura joana es al paradís ambe sas cabras. Per maitís entresenhas vèire lo boièr
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari