Actualitats
L’istòria sociala dels professionals de la santat en Aran
L’IEA-AALO presentarà dimècres venent, a l’ocasion de la Hèsta d’Aran, son darrièr libre consagrat a la recèrca istorica sus la medecina al país
La Hèsta d’Aran, dimècres que ven, se consagrarà ongan a rendre omenatjar als professionals de la santat. A mai, e tostemps dins aquel sens, l’Institut d’Estudis Araneses-Acadèmia Aranesa de la Lenga Occitana (IEA-AALO) presentarà sa darrièra publicacion entitolada Es professionaus dera sanitat ena Val d’Aran del mètge e cercaire istoric aranés Joan-Carlos Riera Socasau. S’agís d’una recèrca sus las personas qu’an exercit qualque mestièr restacat a la santat dins l’istòria d’Aran entre los ans 1600 e 1950.
La presentacion se retransmetrà en dirècte dimècres venent, a l’ocasion del jorn nacional d’Aran, a 19h sul sit institutestudisaranesi.cat/medecina.
En 1563, es documentada la manca de mètges en Aran, car lo Conselh General d’Aran paguèt 3 reals e mièg a un pastor de Bossòst per anar fins a Benasc se far vesitar per un mètge. Cal esperar al sègle XVII per trobar los primièrs mètges documentats al país de cap de Garona
Lo libre es estructurat en doas parts: d’un caire, un diccionari del personal sanitari, e de l’autre, l’activitat qu’an exercit aqueles professionals pendent l’istòria.
Tota aquela recèrca l’autor l’a menada a bon tèrme en consultant una bona tièra d’archius: lo militari de Segovia, lo parroquial d’Aran, l’Archiu Melquíadez Calzado de Les, l’Archiu Istoric General d’Aran, l’Archiu de la Reiala Acadèmia de Medecina de Catalonha e los archius de las Universitats de Barcelona e d’Òsca ont se sèrva los manuscrits de las inscripcions e los actes del Collègi de Cirurgia e tanben los dorsièrs academics dels estudiants. Mas delà tot aquò, l’autor a fach un trabalh impressionant de collectatge demest las familhas que descendon de las personas mençonadas dins lo libre.
L’IEA-AALO a publicat aquesta òbra en collaboracion amb la Reiala Acadèmia de Medecina de Catalonha.
— Presentacion del libre Es professionaus dera sanitat ena Val d’Aran de Joan-Carlos Riera Socasau
— Dimècres 17 de junh a 19h
— Retransmission en dirècte sus institutestudisaranesi.cat/medecina.
RIERA SOCASAU, Joan-Carlos. Es professionaus dera sanitat ena Val d’Aran. Qui? Quan? Com? 1600-1950. Institut d’Estudis Aranesi-Acadèmia Aranesa dera Lengua Occitana, 2020.
La presentacion se retransmetrà en dirècte dimècres venent, a l’ocasion del jorn nacional d’Aran, a 19h sul sit institutestudisaranesi.cat/medecina.
En 1563, es documentada la manca de mètges en Aran, car lo Conselh General d’Aran paguèt 3 reals e mièg a un pastor de Bossòst per anar fins a Benasc se far vesitar per un mètge. Cal esperar al sègle XVII per trobar los primièrs mètges documentats al país de cap de Garona
Lo libre es estructurat en doas parts: d’un caire, un diccionari del personal sanitari, e de l’autre, l’activitat qu’an exercit aqueles professionals pendent l’istòria.
Tota aquela recèrca l’autor l’a menada a bon tèrme en consultant una bona tièra d’archius: lo militari de Segovia, lo parroquial d’Aran, l’Archiu Melquíadez Calzado de Les, l’Archiu Istoric General d’Aran, l’Archiu de la Reiala Acadèmia de Medecina de Catalonha e los archius de las Universitats de Barcelona e d’Òsca ont se sèrva los manuscrits de las inscripcions e los actes del Collègi de Cirurgia e tanben los dorsièrs academics dels estudiants. Mas delà tot aquò, l’autor a fach un trabalh impressionant de collectatge demest las familhas que descendon de las personas mençonadas dins lo libre.
L’IEA-AALO a publicat aquesta òbra en collaboracion amb la Reiala Acadèmia de Medecina de Catalonha.
— Presentacion del libre Es professionaus dera sanitat ena Val d’Aran de Joan-Carlos Riera Socasau
— Dimècres 17 de junh a 19h
— Retransmission en dirècte sus institutestudisaranesi.cat/medecina.
RIERA SOCASAU, Joan-Carlos. Es professionaus dera sanitat ena Val d’Aran. Qui? Quan? Com? 1600-1950. Institut d’Estudis Aranesi-Acadèmia Aranesa dera Lengua Occitana, 2020.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari