Actualitats
Los govèrns valencian, catalan e balear se son diches “bonjorn” en catalan sus Twitter en responsa a l’obligacion de comunicar en espanhòl
La Cort Suprèma espanhòla ven de forçar que las administracions dels tres païses catalonfòns comuniquen entre ellas exclusivament en lenga castelhana
De son compte de Twitter estant, lo departament de l’educacion de la Generalitat Valenciana saludèt aqueste dimècres amb un simple “bon dia”. Sul pic, lo departament de la cultura de la Generalitat de Catalonha li repondèt “bon dia”. Enfin, tanben lo govèrn de las illas Balearas i reagiguèt amb un autre “bon dia”.
Après aquela saludacion entre los tres comptes oficials de Twitter, fòrça mond an jonch aquel “bon dia”.
De remembrar que la Cort Suprèma espanhòla ven d’obligar que las administracions del País Valencian, Catalonha e las Illas Balearas comuniquen entre ellas exclusivament en espanhòl. Aquela cort, situada a la cima de l’organizacion del poder judiciari en Espanha, confirma aital una senténcia de la Cort de Justícia del País Valencian que respondiá a una demanda de l’avocat general de l’estat espanhòl en novembre passat. Lo govèrn espanhòl, d’efièch, considèra que lo govèrn valencian deu comunicar en espanhòl amb los govèrns balear e catalan, çò que lo poder judiciari ven de confirmar. A mai, la supression de la posicion del catalan coma lenga d’usatge preferencial dins l’administracion valenciana viòla lo decret sus l’usatge de las lengas oficialas al País Valencian aprovat pel govèrn regional.
Bon dia.
— GVA Educació (@GVAeducacio) June 17, 2020
Bon dia.
— Llengua catalana (@llenguacatalana) June 17, 2020
.@leDepartement66 ara vosaltres!
— Pablo Bonat (@pablobonat) June 17, 2020
Bon dia.
— gencat (@gencat) June 17, 2020
Bon dia.
— Pere Aragonès (@perearagones) June 17, 2020
#BonDia! https://t.co/f4OZhRJ22A
— Quim Torra i Pla (@QuimTorraiPla) June 17, 2020
Bon dia!
— Occitan aranés (@occitan_aranes) June 17, 2020
En #aranés tanben didem "Bon dia". En occitan podem díder "Bon jorn" o "Bon dia" segons era region. En Gasconha se ditz meslèu "Bon dia"
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Govern a decidit: que las comunitats de parla castelhana entre elas s'auran de comunicar en lenga berbera. E non se podran comunicar en castelhan. Ego dixi. Per colhons !
e bon dia tot eth dia:
https://www.youtube.com/watch?v=XgwnYXOfIkk
Vendrà un temps qu'una lei de l'Empèri mondial del liberalisme decretarà que totes los govèrnaments de la Tèrra deuràn comunicar en globish. Costarà pa gaire de far respectar : o fan ja espontanèament aqueles pseudodirigents tant son someses al dictat neoliberal.
Alara, reborsièrs de totes los païses, cridem totes ensems: BON DIA ! E quitem de plegar l'esquina davant lo politicament corrècte !
E malgrat tot, foguèt un temps qu'avián besonh d'un interprèt per se comprene:
https://www.youtube.com/watch?v=AgBq5WjKyEw
Bon dia, paisos catalans !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari