CAPÇALERA PAIS INVISIBLE

Actualitats

InternacionalPolitica

Afar dels GAL: silenci mediatic e politic

Los rets socials critican lo silenci informatiu après que s’es confirmat que lo grop terrorista foguèt organizat dins los ans 1980 per l’ancian primièr ministre espanhòl Felipe González, amb lo sosten de l'armada

Dins lo darrièr desclassament de documents de la CIA s’es rendut public un rapòrt que confirma que los GAL (los diches Grops Antiterroristas de Liberacion) foguèron organizats pel president del govèrn espanhòl de l’epòca, Felipe González, amb lo sosten de l’armada. O raportàvem dimars passat. Mas los mèdias n’an pas parlat, lo Congrès dels Deputats n’a empedit una enquista e lo Parlament Europèu ne vòl pas ausir a parlar. Suls rets socials se critica durament tota aquela omertà.
 
Lo grop parlamentari EH Bildu demandèt la compareissença de Felipe González davant los deputats per donar d’explicas, e que se constituiguèsse de comissions per far una enquista. Mas los deputats votèron contra. Tanben lo partit d’esquèrra dich Podèm, qu’ara parteja lo govèrn amb lo Partit Socialista, o qualifiquèt d’inutil “car totòm sap çò que se passèt”.
 
 
 
Al Parlament Europèu
 
Al Parlament Europèu l’eurodeputat independentista en exili Toni Comín a reprochat al naut representant de l’UE, Josep Borrell, que sostenguèsse Felipe González pendent l’afar dels GAL. “Confirmatz vòstre sosten als responsables del terrorisme d’estat?”çò li demandèt dins un debat sus la politica exteriora de l’UE e la covid-19. Mas lo vicepresident del Parlament Europèu que presidissiá la session, lo portugués Pedro Silva Pereira, l’interrompèt perque sa question aviá pas de relacion, segon el, amb lo subjècte del debat.
 

De soslinhar que dins los ans 1980 los GAL foguèron responsables de mai de 34 mòrts e d’una cinquantena de nafrats, e la majoritat de las victimas avián pas res a veire amb l’entorn d’ÈTA. Los dos ministres condemnats aguèron de penas inferioras als presonièrs politics catalans, e l’actual president del govèrn espanhòl, Pedro Sánchez, los aviá defenduts publicament alara.
 
 
 
Indignacion suls rets socials
 
En çò que tanh als rets socials, la nòva a agut un fòrt impacte e son nombroses los comentaris d’estonament e d’indignacion, mai que mai a causa del silenci dels mèdias.
 
 
 
 
 
 
 
 
 
 
 
 
 
 
 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
3.

Felipe que darrerament sembla voler pactar amb la dreta e l'extrema dreta, no li aniria gens malament que li donassen una repassada al parlament per fer li passar un pauc de vergonha.

  • 2
  • 1
Black Blòc Joe
2.

#1 Una activitat terrorista d'estat se qualifica en general de "manten de l'òrdre", e de còps quitament de "manten de la patz"… A qué se reconeis una activitat "terrorista" efectiva (e non pas teorica ni dialectica politica) ? S'agís d'una activitat qu'a per vocacion de semenar e d'espandir la páur, non pas una páur irracionala, mas la páur justificada davant un dangièr indefugible e irreductible.

  • 5
  • 1
Racum
1.

Un grop militar estatal espanhòl actiu sus lo territòri de l'estat francés. E i assessina coma vòl!? E tot va ben??? L'estat francés ditz qualque ren o non ? O las règlas son per los pichons e los estats se'n trufan?

  • 5
  • 2

Escriu un comentari sus aqueste article