Actualitats
Decès de Joan Pau Verdier, figura màger de la Nòva Cançon occitana
Al total, entre albums e singles, a publicat 30 disques e es l’autor de la musica del filme Istòria d’Adrian
Tèxte legit
Un an e cinc jorns après Rosina de Pèira, nos a quitats una autra figura màger de la Nòva Cançon occitana. Lo musician e escrivan peiregòrd Joan Pau Verdier trespassèt dins la nuèch de dissabte a dimenge a l’edat de 73 ans après un combat de qualques meses contra una malautiá grèva.
Verdier foguèt un dels primièrs cantadors en occitan publicats per un ostal de disques francés, Philips, en 1973 amb lo disc Occitània Sempre, un fach que certans occitanistas critiquèron. De remarcar qu’aquel album lo realizèt amb la collaboracion de l’escrivan Michèu Chapduèlh, que li escriguèt los tèxtes en occitan lemosin. Al total, entre albums e singles, Joan Pau Verdier a publicat 30 disques e es tanben lo compositor de la musica d’Istòria d’Adrian, un filme en occitan que ganhèt fa 40 ans la Camèra d’Aur del Festenal de Canas.
Amb Marçau Peironi, Verdier animava cada dimenge a miègjorn l’emission “Meitat chen, meitat pòrc“ sus France Bleu Peiregòrd. Aquesta ràdio es dels primièrs mèdias qu’an planguda la mòrt, e dins la dimenjada venenta li consagrarà una emission especiala.
Militant occitanista e libertari, èra un dels artisans màgers de la creacion de la Federacion Anarquista-Comunista d’Occitània (FACO) amb Gui Maslobièr. Sentiá una granda admiracion de Léo Ferré del qual revirèt en occitan sa cançon “Ni Diu ni mestre“ e al qual consagrèt tot un album.
Verdier foguèt un dels primièrs cantadors en occitan publicats per un ostal de disques francés, Philips, en 1973 amb lo disc Occitània Sempre, un fach que certans occitanistas critiquèron. De remarcar qu’aquel album lo realizèt amb la collaboracion de l’escrivan Michèu Chapduèlh, que li escriguèt los tèxtes en occitan lemosin. Al total, entre albums e singles, Joan Pau Verdier a publicat 30 disques e es tanben lo compositor de la musica d’Istòria d’Adrian, un filme en occitan que ganhèt fa 40 ans la Camèra d’Aur del Festenal de Canas.
Amb Marçau Peironi, Verdier animava cada dimenge a miègjorn l’emission “Meitat chen, meitat pòrc“ sus France Bleu Peiregòrd. Aquesta ràdio es dels primièrs mèdias qu’an planguda la mòrt, e dins la dimenjada venenta li consagrarà una emission especiala.
Militant occitanista e libertari, èra un dels artisans màgers de la creacion de la Federacion Anarquista-Comunista d’Occitània (FACO) amb Gui Maslobièr. Sentiá una granda admiracion de Léo Ferré del qual revirèt en occitan sa cançon “Ni Diu ni mestre“ e al qual consagrèt tot un album.
"L'une des plus belles voix de la chanson française", "un homme fraternel", "un homme de convictions", les hommages se multiplient après la mort de Joan-Pau Verdier https://t.co/fnNK9bzown
— France Bleu Périgord (@Bleu_Perigord) June 21, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Na Kiri Te Kanawa a tanben cantat meravilhosament los cants occitans orquestrats de Cantaloba, e mai non sàpia parlar occitan (o supausi). E seriá estat força regretable qu'ela se foguèsse empachada per tan pauc. (https://www.youtube.com/watch?v=BlWaNu416YA)
Per Magdalena Mesple, plan segur, lo rapòt a la lenga sieuna e nòstra, èra quicòm mai, plan segur !
Mas coneissi d'autras cantairas en occitan, en classica o en varietat Rock, que cantan fòrça plan la lenga sense la saber parlar. Cal èsser positius.
Mièlhs valon los que vòlon cantar en occitan (e qu'o fan plan) que non pas los non ne vòlon res saber (e que son milanta).
Après, vertat es que coneissi ieu tanben un mercant de rasonaments que passava publicament per cantaire occitan, e que sempre parla (fòrça) e escriu en francés. Efectivament, me demandi de còps se o sap parlar… A totun assajat, el tanben, de far avançar las causas, e mai ma sesibilitat personala siá fòrça mai vesina de la de Joan-Pau Verdièr que non pas de la sieuna…
#6 Quau?
#5
Au mensh que sabè parlar occitan.
N'at podem pas díser d'un aute famós cantaire occitan.
Un dels premiers disques que tenguet "Occitania sempre", una bona votz e bons temas .Mas cresi se non remembre malament que cantava l'altra cara del disque en francaise.
BFM TV n'a parlat! E òc. E per illustrar la despartida d'aqueu "grand nom de la chanson occitane", una cançon... en francés! No comment, coma se ditz en francés...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari