Actualitats
Vòlon reformar la Constitucion francesa per garentir la biodiversitat
Dimenge passat, la Convencion Ciutadana pel Clima presentèt sas preconizacions après nòu meses de trabalh
Las modificacions que vòlon far eles a la lei fondamentala de la Republica Francesa son, d’un latz, d’apondre dins lo preambul del tèxt de 1958 la frasa seguenta: “ La conciliacion dels dreches, libertats e principis que ne resultan pòdon pas comprometre la preservacion de l’environament, patrimòni comun de l’umanitat”. D’autre latz, demandan d’inserir dins l’article primièr aquesta frasa: “La Republica garentís la preservacion de la biodiversitat, de l’environament, e lucha contra lo desreglament climatic”.
Abans que se prepause aquelas modificacions dins un referendum, lo Senat e l’Assemblada Nacionala francesa las devon aprovar.
150 objectius
La convencion a tanben acceptat las 150 mesuras d’ordre legislatiu que las prepausavan sos delegats, franc d’una, la reduccion del temps de trabalh a 28 oras setmanièras.
Demest las mesuras acceptadas e que se prepausaràn al govèrn francés —e que poirián quitament far l’objècte d’un referendum— se parla de regular la publicitat per reduire las incitacions al subreconsum, de mesuras per luchar contra l’artificializacion dels sòls, d’engatjar la renovacion termica de las bastissas, de limitar los efièches nefastes del transpòrt aerian o de metre l’etica al còr de nòstra alimentacion.
La Convencion tanben demandarà a l’executiu de convocar un referendum per la reconeissença del crime d’ecocidi.
Macron respondrà lo 29 de junh
Emmanuel Macron a promés de transmetre “sens filtre” las mesuras de la Convencion, siá a l’aplicacion reglamentària, siá al Parlament, siá a un referendum. Dins aquel sens, a previst de respondre a aquelas proposicions lo 29 de junh venent.
#ConventionCitoyenne : la session 7 se termine ! Les 150 membres ont remis leur rapport final à @Elisabeth_Borne. Le Président de la République @EmmanuelMacron leur apportera une réponse le 29 juin.
— CESE (@lecese) June 21, 2020
Une nouvelle fois bravo à toutes et tous pour votre implication pic.twitter.com/elljRqWmKU
Le Rapport final de la #ConventionCitoyenne pour le #climat a été solennellement adopté par ses membres ‼️ pic.twitter.com/rD8LCBWkxJ
— Convention Citoyenne pour le Climat (@Conv_Citoyenne) June 21, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E la biodiversitat linguïstica e culturala, i an pensar, per dire de reformar las taulas mosaïcas de la lei qu'es la constitucion de l'empèri nacionalista francés ?
Macron nos vòl faire trabalhar mai, e sa convencion preconiza çò contrari! Evidentament que nos cal trabalhar mens se volem luchar contra lo cambiament climatic e la pollucion, que ya sèm en plena crisi de surproduccion...
#1 Òu, l'amic Pèire ? Vòles que lo pòble siá sobeiran ? Alavètz te cal non pas préner lo poder, mas lo véncer definitivament. Te cal un pòble anarquista, qu'escriga las leis, las vòta e las fa aplicar. Tot çò mai es un trompa-colhon. Mas… cossí fasèm ?
Quò es de democracia qu'avem besonh, pas de referundum.
Vivam totjorn emben lo referundum sur l'Euròpe que jamai a estat respectat. Lo referendum es un attrape-nigaud. D'una afar complicada, l'òm demanda de respondre per òc o non. L'ecologia a p'un sens. Es un mot ente l'òm i bòta lo tot e lo contrari de tot. D'alhors dins la Constitucion i a un article que dich que lo governament s'engage a respectar la nature et l'environnament.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari