Actualitats
Rugbi de XIII: lo XIII exprimís la solidaritat
Lo XIII doblida pas sas originas e sa naissença dins las vilas obrièras del nòrd d’Anglatèrra e exprimís l’esperit de solidaritat umana e sociala
Alan Roch
Atal, en dobertura de la partida Lapinons-Titans la setmana passada, los jogaires de las doas formacions e lo còs arbitral se recampèron al centre del terren dins un cercle per plegar amassa los genolhs en remembre de George Floyd e contra lo racisme.
Aquesta setmana, los jogaires d’NRL dintrèron sus la pelena portaires d’una boneta de lana per convidar a prene part a una accion contra lo càncer del cervèl, al benefici d’una associacion menada per un ancian jogaire dels Dracs Catalans Mark Hughes: la venda de las bonetas alimenta las caissas per desvolopar las recèrcas medicalas.
NRL: e las Anguialas perdèron…
En campionat NRL, lo darrièr club sens desfaita, las Anguialas de Parramatta, finiguèt que pleguèt fàcia als campions, los Pols de Sydney: 24-10.
Malgrat dos jogaires tocats tre la debuta de la partida, Manly bat Canberra: 14-6. Partida sarrada entre las Làmias contra los Dògols: 20-18 per las Làmias. Penrith mestreja Melbourne: 21-14.
Victòrias mai aisidas per Newcastle fàcia a Brisbane (27-6); los Lapinons contra los Combatents Neozelandeses (40-12); St Jòrdi fàcia als Titans (20-8); los Tigres fàcia als Vaquièrs (36-20).
Enfin, bona novèla: pas aquesta setmana, mas la seguenta, lo public poirà tornar dins los estadis australians en nombre limitat mas significatiu.
Superliga: lo calendièr arriba!
Dins la setmana, los Dragons Catalans saupràn (enfin!) lo calendièr novèl de la represa e de la competicion de Superliga. Puslèu que de demorar de temps en Anglatèrra, los dirigents estúdian las possibilitats d’anar-venir dins la jornada entre Perpinhan e Londres o Manchester.
Elèit: lo temps dels transferiments
En Elèit 1 e 2, formacions e jogaires anóncian desparts e arribadas: d’unes van al club vesin, d’autres tornan al club formator, los tresens van véser se l’èrba es mai verda mai luènh. A 33 ans, lo pilar dels Dragons Simon prepausa sos servicis a las formacions d’Elèit 1 per la sason venenta.
Limós anóncia lo retorn de dos estrangièrs: Zachary Santo e Edward Murphy, alara que Carcassona fa signar un fijian de 25 ans que pòt jogar centre tanplan coma segonda-linha: Jowasa Drodolagi.
Alan Roch
Aquesta setmana, los jogaires d’NRL dintrèron sus la pelena portaires d’una boneta de lana per convidar a prene part a una accion contra lo càncer del cervèl, al benefici d’una associacion menada per un ancian jogaire dels Dracs Catalans Mark Hughes: la venda de las bonetas alimenta las caissas per desvolopar las recèrcas medicalas.
NRL: e las Anguialas perdèron…
En campionat NRL, lo darrièr club sens desfaita, las Anguialas de Parramatta, finiguèt que pleguèt fàcia als campions, los Pols de Sydney: 24-10.
Malgrat dos jogaires tocats tre la debuta de la partida, Manly bat Canberra: 14-6. Partida sarrada entre las Làmias contra los Dògols: 20-18 per las Làmias. Penrith mestreja Melbourne: 21-14.
Victòrias mai aisidas per Newcastle fàcia a Brisbane (27-6); los Lapinons contra los Combatents Neozelandeses (40-12); St Jòrdi fàcia als Titans (20-8); los Tigres fàcia als Vaquièrs (36-20).
Enfin, bona novèla: pas aquesta setmana, mas la seguenta, lo public poirà tornar dins los estadis australians en nombre limitat mas significatiu.
Superliga: lo calendièr arriba!
Dins la setmana, los Dragons Catalans saupràn (enfin!) lo calendièr novèl de la represa e de la competicion de Superliga. Puslèu que de demorar de temps en Anglatèrra, los dirigents estúdian las possibilitats d’anar-venir dins la jornada entre Perpinhan e Londres o Manchester.
Elèit: lo temps dels transferiments
En Elèit 1 e 2, formacions e jogaires anóncian desparts e arribadas: d’unes van al club vesin, d’autres tornan al club formator, los tresens van véser se l’èrba es mai verda mai luènh. A 33 ans, lo pilar dels Dragons Simon prepausa sos servicis a las formacions d’Elèit 1 per la sason venenta.
Limós anóncia lo retorn de dos estrangièrs: Zachary Santo e Edward Murphy, alara que Carcassona fa signar un fijian de 25 ans que pòt jogar centre tanplan coma segonda-linha: Jowasa Drodolagi.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari