Actualitats
Itàlia: la Màfia benefícia de la crisi de la covid-19
Prèstan d’argent a las societats en dificultats amb de tausses usuraris per tal de se n’apoderar
Lo crime organizat es a beneficiar de la crisi causada per la covid-19. En Itàlia, la Màfia es a prestar d’argent a las petitas societats que son demoradas en situacions precàrias e que recebon pas d’ajudas de l’estat. Mas aqueles prèstes mafioses son pas brica desinteressats. D’efièch, segon lo jutge antimàfia de Palèrme, Piergiorgio Morosini, prèstan d’argent en impausant un remborsament tròp complicat amb la tòca de s’apoderar de las societats. “Se tracta de sosténer una societat d’una manièra interessada, per arribar de l’aquerir. O fan a travèrs de l’usura”, çò a precisat.
Res de nòu jol solelh. Pendent lo tèrratrem de l’Aquila en 2009, tot plen de societats contrarotladas per la Màfia traguèron un grand profièch de la reconstruccion. Tanben la Màfia beneficièt fòrça de la crisi de Lehman Brothers quand prepausava de prèstes a las petitas societats en dificultats.
Mentretant, lo primièr ministre del país, Giuseppe Conte, a anonciat mai d’investiments publics per afrontar aquela situacion del temps que prometiá de mesuras “mai sevèras” contra la Màfia. Dins aquel sens, dins los darrièrs jorns s’es detengut en Sicília mai d’un centenat de personas presumidament restacadas amb l’organizacion criminala, e son intervenguts dins d’afars que bolegavan fins a 30 milions d’èuros. En Calàbria, s’es clavada una enquista contra de presumits membres de la ‘Ndrangheta.
Res de nòu jol solelh. Pendent lo tèrratrem de l’Aquila en 2009, tot plen de societats contrarotladas per la Màfia traguèron un grand profièch de la reconstruccion. Tanben la Màfia beneficièt fòrça de la crisi de Lehman Brothers quand prepausava de prèstes a las petitas societats en dificultats.
Mentretant, lo primièr ministre del país, Giuseppe Conte, a anonciat mai d’investiments publics per afrontar aquela situacion del temps que prometiá de mesuras “mai sevèras” contra la Màfia. Dins aquel sens, dins los darrièrs jorns s’es detengut en Sicília mai d’un centenat de personas presumidament restacadas amb l’organizacion criminala, e son intervenguts dins d’afars que bolegavan fins a 30 milions d’èuros. En Calàbria, s’es clavada una enquista contra de presumits membres de la ‘Ndrangheta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Vertat es : o coratge de trumentar femnas e fantons e lo coratge de dissòure los còs dinc de banhadoiras emplidas d'acide; Los autres, disòlvon las vidas sancèra de milierats de famílias, en desplaçant l'emplec cap a de païses del cap del mond ont la mna d'òbra còsta sonque un crostet del mes : son d'esclavagistas. Per me fargar una idèa de çò qu'es la màfia, non soi ni romantic (non vesi gaire aquí ont se tracta d'amor iompossible) ni ni adolescenta (qu'ai despassat largament lo mièg-sègle e que comenci un pauc de véser çò qu'es la vida en sistèmi neoliberal) ni nècia, mas plan documentada : vos conselhi la lectura menimosa dels assatges plan astablits de Roberto Saviano "Gomorra. Viaggio nell'impero economico e nel sogno di dominio della camorra"… Se vos volètz anar batre contre eles, prenètz flingue e veirtz quant es romantica, lor vida… Ieu, me bati contra los autres, e vos pòdi assolidar que son tan cinics los del costat de la lei coma los en fòra de lei : l'objectiu es rigorosament lo meteis, e l'arma absoluda la meteissa : la psicopatia que per definicion vos copa definitivament de tota mena d'empatia. E non i a ges ni mica d'un costat los àngels e de l'autre los demònis : lo mal es pertot.
#2 Disètz qu'an lo coratge de reglar los conflicts embé las armas ??? Avètz oblidat qu'an mai lo coratge de trumentar femnas e fantons e lo coratge de dissòure los còs dinc de banhadoiras emplidas d'acide... Aquí fasètz una romantizacion adolescenta e nècia de la màfia... tsss !!
Los grands actors de la finança internacionala vòlon ganhar sempre mai moneda. La màfia, qué vòl mai ? Los grands actors de la finança internacionala non vòlon pagar talhas e practican l'evasion fiscala ? Per amagar la natura de sos afars, qué fa mai, la màfia ? Dins un territòri acaptat per la misèria, la màfia se presenta coma la soleta possibilitat d'escapar lèu lèu e significativament a la misèria. Mas, d'ont ven la misèria, se que non precisament de l'iperconcentracion de la riquesa dins las mans d'un ponherat de grands actors de la finança internacionala ? Del mai venon rics, los rics, e del mai venon paures los paures, tan segurament coma se m'omplissi lo gòt, i aurà mens d'aiga dins la botelha ! E donc, los afars dels grands actors de la finança internacionala van en totala coeréncia amb lo creis de la misèria, e donc, fòrt logicament, amb los afars de la màfia. La màfia a vitalament besonh de la misèria per aplantar son règne. Es la melhora amiga dels grands actors de la finança internacionala e se partjan lo mercat : çò mai legal per unes, çò mens legal pels autres? Tant que dintra la moneda, tot lor conven aital… Lo soleta vertadièra diferéncia entre los grands afaristas financièrs e los caps de màfia es que los segonds an lo coratge de reglar lors conflictes armas al ponh. La filosofia es la meteissa, e los escrupuls a pauc près semblants.
Las bancas pretan au jorn d'uei a daus taus d'usure que depassan l'entendament e incitan los uasgers a aver de projets ambicions.
Lo FMI fai de mesme emben daus governaments que son dins lo besonh. Alaidonc, bancas e FMI son la mafia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari