Actualitats
Alemanha: mai de 650 000 personas confinadas a causa d’una granda infeccion de covid-19
Las autoritats de Ren del Nòrd-Vestfàlia an mes los 7000 trabalhadors d’un masèl en quarantena e an ofèrt de tèstes gratuits a totes los abitants de Gütersloh
Lo president de Ren del Nòrd-Vestfàlia, Armen Laschet, a anonciat lo confinament del districte de Gütersloh fins a la fin de junh a causa d’una infeccion de covid-19 dins un masèl qu’a afectat mai de 1500 emplegats. “Las nòvas mesuras e de restriccions son comparablas a las que se prenguèron en març”, çò a declarat Laschet, qu’a dich que lo confinament pertòca mai de 650 000 personas, que se poiràn far lo tèst de la covid-19 gratuitament.
Aquel nòu confinament es lo primièr que se decreta après la fin de las restriccions al començament del mes de mai, e comportarà lo barrament de bars, restaurants, salas d’espòrt e de cinèma. A mai, las autoritats an mes en quarantena los 7000 emplegats del masèl, un dels principals d’Euròpa.
Las autoritats sanitàrias an alertat que lo taus de reproduccion del virus en Alemanha contunha d’èsser fòrça naut: 2,76, çò es que cada infectat lo transmet a gaireben tres personas.
De soslinhar que dimenge passat, per recobrar la mobilitat e l’economia amb l’arribada de l’estiu, lo govèrn alemand, coma la majoritat d’estats de l’UE, redobriguèt sas frontièras amb los païses que fan partida de l’espaci Schengen.
Aquel nòu confinament es lo primièr que se decreta après la fin de las restriccions al començament del mes de mai, e comportarà lo barrament de bars, restaurants, salas d’espòrt e de cinèma. A mai, las autoritats an mes en quarantena los 7000 emplegats del masèl, un dels principals d’Euròpa.
Las autoritats sanitàrias an alertat que lo taus de reproduccion del virus en Alemanha contunha d’èsser fòrça naut: 2,76, çò es que cada infectat lo transmet a gaireben tres personas.
De soslinhar que dimenge passat, per recobrar la mobilitat e l’economia amb l’arribada de l’estiu, lo govèrn alemand, coma la majoritat d’estats de l’UE, redobriguèt sas frontièras amb los païses que fan partida de l’espaci Schengen.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un tuador de sèt mila empleiats ! Lo monde a perdut tota mesura !!!
Avem totjorn estat acostumat dempuei tot petit a dire òc a la sciença, òc a l'autoritat ierarchique mas de temps en temps per nòstras librtats, chaldria pensar a balhar la paraula aus opausants e son nombros, a mens que l'òm los considera coma daus eretics!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari