Qualques deputats del Parlament Europèu an protestat per la creacion d’una aplicacion per votar a distància que fonciona solament amb los telefòns d’Apple. Lo logicial, sonat iVote, s’es desvolopat per facilitar lo vòte a distància pendent la crisi del coronavirus e per ara s’emplega sonque dins qualques comitats. Se los deputats planhon d’èsser obligats d’emplegar de telefonets d’aquela societat estatsunidenca, lo burèu del Parlament lor respond que se tracta d’una “solucion temporària”.
 
E mai la cambra aja fornit d’aparelhs d’Apple als deputats, iPad o iPhone, qualques deputats refusan de cedir lors donadas personalas a Apple o l’obligacion d’acceptar las condicions de la societat. “Es inacceptable que se refuse lo drech de vòte dels representants democratics sonque pr’amor qu’accèptan pas las condicions d’usatge d’Apple”, a dich Marcel Kolaja, un dels vicepresidents de la cambra e representant del Partit Pirata.
 
Mas bensai la critica pus fòrta pertòca l’usatge obligatòri d’aquela aplicacion mentre que se pòt pas causir una autra manièra de votar.
 
 

It's unacceptable if Members of the European Parliament have to use a service provided by an American company and agree to their Terms of Service in order to exercise the mandate. Representing citizens must not be conditioned upon using iCloud. https://t.co/ZQACs42lsH

— Marcel Kolaja (@PiratKolaja) June 17, 2020