Actualitats
Un nòu calcul establís que i a sièis miliards de planetas coma la Tèrra sonque dins nòstra galaxia
Per qu’una exoplaneta siá considerada coma la Tèrra, i cal poder trapar de ròca e es necite que son orbita a l’entorn d’una estela coma lo Solelh siá dins l’airal ont la vida es possibla
Segon de donadas recentas d’un nòu estudi, i auriá una planeta coma la Tèrra per cada cinc estelas coma lo Solelh. L’estudi foguèt realizat per de cercaires de l’Universitat de la Colómbia Britanica amb de donadas de la mission Kepler de la NASA.
Per qu’una exoplaneta siá considerada coma la Tèrra, i cal poder trapar de ròca e es necite que son orbita a l’entorn d’una estela coma lo Solelh siá dins l’airal ont la vida es possibla. En mai d’aquò, i deu aver l’escasença que sus la planeta i aja d’aiga e potencialament de vida.
“I auriá fins a 0,18 planeta coma la Tèrra per cada estela del tipe G, çò diguèt la cercaira de l’Universitat de la Colómbia Britanica Michelle Kunimoto. Aquò pòt fòrça ajudar a la recèrca d’encara mai d’exoplanetas”.
D’autre caire, l’astronòm de la meteissa universitat, Jaymie Matthews, confirmèt que la Via Lactèa conteniá fins a 400 miliards d’estelas e que mai d’un 7% d’aquestas èran del tipe G. “Aquò vòl dire, çò apondèt Matthews, que i a almens sièis miliards d’exoplanetas dins nòstra galaxia”.
Fins ara, i aviá sonque de donadas qu’afirmavan que se comptava un 0,02% d’exoplaneta per cada estela coma lo Solelh. Los cercaires soslinhèron que çò d’abitual èra de considerar que i a mens d’exoplanetas pr’amor de lor talha. E aquò vòl dire que i a fòrça mens exoplanetas trapats al torn d’aquel tipe d’estelas. Mas Kunimoto utilizèt una nòva tecnica per los trapar.
En tot utilizar d’algorismes
“Comencèri de classar las possiblas exoplanetas segon s’èran estadas trapadas o non. Aquò ajudèt a ne trapar mai, çò afirmèt Kunimoto. Après, restaquèri aquelas planetas amb lo catalòg actual de las planetas semblablas a la Tèrra trobadas fins a uèi lo jorn. Se las donadas èran parièras, se podiá plan creire que i aviá encara realament fòrça mai d’exoplanetas que çò que cresèm.”
Abans de far aquò, Kunimoto aviá ja estudiadas las donadas de mai de 200 000 estelas de la mission Kepler de la NASA. La cercaira descobriguèt fins a 17 planetas situadas en fòra del Sistèma Solar (o exoplanetas) qu’ara son dins aquela nòva lista. La descobèrta es estada publicada dins la revista numerica The Astronomical Journal. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Per qu’una exoplaneta siá considerada coma la Tèrra, i cal poder trapar de ròca e es necite que son orbita a l’entorn d’una estela coma lo Solelh siá dins l’airal ont la vida es possibla. En mai d’aquò, i deu aver l’escasença que sus la planeta i aja d’aiga e potencialament de vida.
“I auriá fins a 0,18 planeta coma la Tèrra per cada estela del tipe G, çò diguèt la cercaira de l’Universitat de la Colómbia Britanica Michelle Kunimoto. Aquò pòt fòrça ajudar a la recèrca d’encara mai d’exoplanetas”.
D’autre caire, l’astronòm de la meteissa universitat, Jaymie Matthews, confirmèt que la Via Lactèa conteniá fins a 400 miliards d’estelas e que mai d’un 7% d’aquestas èran del tipe G. “Aquò vòl dire, çò apondèt Matthews, que i a almens sièis miliards d’exoplanetas dins nòstra galaxia”.
Fins ara, i aviá sonque de donadas qu’afirmavan que se comptava un 0,02% d’exoplaneta per cada estela coma lo Solelh. Los cercaires soslinhèron que çò d’abitual èra de considerar que i a mens d’exoplanetas pr’amor de lor talha. E aquò vòl dire que i a fòrça mens exoplanetas trapats al torn d’aquel tipe d’estelas. Mas Kunimoto utilizèt una nòva tecnica per los trapar.
En tot utilizar d’algorismes
“Comencèri de classar las possiblas exoplanetas segon s’èran estadas trapadas o non. Aquò ajudèt a ne trapar mai, çò afirmèt Kunimoto. Après, restaquèri aquelas planetas amb lo catalòg actual de las planetas semblablas a la Tèrra trobadas fins a uèi lo jorn. Se las donadas èran parièras, se podiá plan creire que i aviá encara realament fòrça mai d’exoplanetas que çò que cresèm.”
Abans de far aquò, Kunimoto aviá ja estudiadas las donadas de mai de 200 000 estelas de la mission Kepler de la NASA. La cercaira descobriguèt fins a 17 planetas situadas en fòra del Sistèma Solar (o exoplanetas) qu’ara son dins aquela nòva lista. La descobèrta es estada publicada dins la revista numerica The Astronomical Journal. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara començan a dire las causas claras. I a vida fora de la Terra e vida extraterrestra. E res pus.
Esperi ambe impaciéncia qu'arrivèsse lo futur telescopi europèu gigant, que poirà faire d'imatjaria dirècte d'exoplanetas de tipe Tèrra! Aquò deuria permetre l'estudi dels compausats de lors atmosfèras, e aital aurem d'indicis suplementaris sus l'abitabilitat _ se trapèm d'aiga, d'oxigèn o de metane, per exemple.
Que i aja planètas coma la nòstra un pauc "pertot" que las fa mai vesinas. Lo temps ieratic que cal per anar d'una a l'autra (plan que lo temps comun d'una civilizacion) dispensa largament d'anar pensant las poder rejónher (sense s'estripar totes abans d'arribar). A supausar que i arribèm, e que i aja de vida, e mai de vida umana possibla, podètz imaginar lo "truc immunologic màger" que constituïriá potencialament l'encontre entre subjèctes biologoics eissit de doás ecosfèras diferentas ? Quicòm de plan pièger que çò arribat als americans natius quand los arlandièrs catolics e protestants lor venguèron panar las tèrras… Una catastròfa ecologica màger. E mai e supausant los nòstres micro-organismes e los lors non se pòscan transmetre als subjèctes de l'autra ecosfèra e recirpròcament (situacion ideala), se los de l'autra planèta son de tan bon acuèlh coma los Europèus davant los migrants, lo viatge de detzenats de milierats d'ans serà pagat per un acuèlh de cortals, coma s'èrem de bèstias… Rai, non avèm pas evvocat totes los auvaris tecnics possibles ligats a la navegacion tra lo void cosmic subre de tempses tan longarasses que non se'n pòdon imaginar, e dels problèmas energics que lor son consubstancials.
Qui es volontari per un viatge espacial ? Bon coratge als viatjaries…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari