L’Arabia Saudita a decidit de restrénher lo pelegrinatge a la Mèca, previst entre lo 28 de julhet e lo 2 d’agost, pel primièr còp de l’istòria, a causa de la covid-19. Lo país ten unes 164 000 malauts confirmats, e segon las donadas oficialas, 1300 mòrts. Lo govèrn permetrà solament que s’i gandiscan los residents menors de 65 ans, amb una limitacion a 10 000 personas, que seràn obligadas de manténer la distància de seguretat e que lor prendràn la temperatura. L’an passat, lo pelegrinatge amassèt 2,5 milions de personas dont 1,8 milion venián de l’exterior.