Actualitats
Lo procuraire de la Cort de l’Aia acusa lo president de Kosova de crimes de guèrra
Demest los crimes atribuits i a lo d’assassinat, de desaparicion forçada de personas, de persecucion e de torturas
Lo burèu del procuraire de la Cort Internacionala de Justícia de l’Aia a acusat lo president de Kosova, Hashim Thaçi, de crimes contra l’umanitat e de crimes de guèrra contra la populacion serbokosovara per sa sospechada responsabilitat dins un centenat de murtres entre 1998 e 1999.
“L’acusacion sosten que Hashim Thaçi, Kadri Veseli —dirigent politic kosovar— e d’autres suspèctes acusats son responsables penalament de gaireben cent omicidis. Los sospechats crimes mençonats per l’acusacion afèctan de centenats de victimas conegudas, d’albanokosovars, de sèrbes, de ròms e d’autras etnias, e comprenon de rivals politics”, çò a dich lo burèu del procuraire dins un comunicat publicat dimècres passat.
Demest los crimes que li atribuisson i a lo d’assassinat, de desaparicion forçada de personas, de persecucion e de torturas. Lo procuraire a assegurat que s’èra vist obligat de far venir publica l’acusacion pels “esfòrces repetits” dels dirigents kosovars per empachar lo trabalh del Tribunal Especial per Kosova, creat a la demanda del parlament del país per jutjar los crimes de guèrra comeses dins aquel territòri. Lo jutge del Tribunal Especial per Kosova deurà decidir se confirma las acusacions.
En julhet de 2019, demissionèt l’ex-primièr ministre de Kosova Ramush Haradinaj, tanben mes en examen pel procuraire del Tribunal de l’Aia per crimes de guèrra. Haradinaj èra oficièr de l’Armada de Liberacion de Kosova (UÇK) pendent la guèrra de 1998 a 2000 contra las fòrças sèrbas, e foguèt relaxat de crimes de guèrra en 2008 per manca de pròvas, e en 2012 pel tribunal de las Nacions Unidas per la meteissa rason.
“L’acusacion sosten que Hashim Thaçi, Kadri Veseli —dirigent politic kosovar— e d’autres suspèctes acusats son responsables penalament de gaireben cent omicidis. Los sospechats crimes mençonats per l’acusacion afèctan de centenats de victimas conegudas, d’albanokosovars, de sèrbes, de ròms e d’autras etnias, e comprenon de rivals politics”, çò a dich lo burèu del procuraire dins un comunicat publicat dimècres passat.
Demest los crimes que li atribuisson i a lo d’assassinat, de desaparicion forçada de personas, de persecucion e de torturas. Lo procuraire a assegurat que s’èra vist obligat de far venir publica l’acusacion pels “esfòrces repetits” dels dirigents kosovars per empachar lo trabalh del Tribunal Especial per Kosova, creat a la demanda del parlament del país per jutjar los crimes de guèrra comeses dins aquel territòri. Lo jutge del Tribunal Especial per Kosova deurà decidir se confirma las acusacions.
En julhet de 2019, demissionèt l’ex-primièr ministre de Kosova Ramush Haradinaj, tanben mes en examen pel procuraire del Tribunal de l’Aia per crimes de guèrra. Haradinaj èra oficièr de l’Armada de Liberacion de Kosova (UÇK) pendent la guèrra de 1998 a 2000 contra las fòrças sèrbas, e foguèt relaxat de crimes de guèrra en 2008 per manca de pròvas, e en 2012 pel tribunal de las Nacions Unidas per la meteissa rason.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los musulmans que ganheron en Kosovo del UÇK, eran uns criminals que fogueron ajudats pels los ianquis,alemanha,Gran Bretanha,....per ganhar la guerra ,e aprés los unics als que jutjaren foren als serbis. Ara finalament ja no debien poder amagar o mai e s'an decidit a denunciar o.
Coneissètz guèrras sense crimes ? E los mercants d'armas, la crot de l'Aia non los acusa pas ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari