Actualitats
Los extraordinaris testimoniatges dels occitanofòns de Peiregòrd
Germinal Peiro e Joan Pau Verdier inauguran aquela sèria d’emissions ont de peiregòrds explican çò que l’occitan representa per eles
Lo conselh departamental de Dordonha, l’Ofici Public de la Lenga Occitana e Òc Tèle an mes en òbra una emission entitolada “Lenga d’òc, lenga de còr“. una seguida de vidèos ont se demanda al mond que vivon en Peiregòrd çò qu’es l’occitan per eles.
Dins la primièra setmana se publicava lo testimoniatge de Germinal Peiro, president del conselh departamental. “L’occitan lo cal pas oblidar, lo cal gardar”, çò disiá dins un testimoniatge impressionant. “Quand èri jòune, de Narbona a Sarlat parlavan la mesma lenga. Per ieu aquela lenga es pas la lenga del passat, quò es una lenga de l’avenir. Dins un monde drubèrt, per aimar, e ben aculhir los autres, cal aimar sa lenga e sa cultura”, çò disiá en tot conclure que “l’occitan participa a la diversitat del Monde,quò es una fòrça per nòstre país, aquò es una fòrça per nòstre Perigòrd”. Es per aquela rason que “cal pas l’oblidar, lo cal gardar”.
Lo segond filmet es encara mai esmovent. Del temps que l’occitanitat es en dòl, qualques jorns après sa mòrt podèm veire lo testimoniatge de Joan Pau Verdier a nos dire que l’occitan es un mestièr per tota la vida. Verdier remembra que sa maire li disiá qu’amb l’occitan fariá pas res dins la vida, m'entre que n'anava far son mestièr tant coma cantador coma animator de ràdio.
Lèu ne poirem veire lo tresen episòdi, qu’esperam tant interessant e encoratjant coma los primièrs dos. De seguir sus Òc Tèle.
Dins la primièra setmana se publicava lo testimoniatge de Germinal Peiro, president del conselh departamental. “L’occitan lo cal pas oblidar, lo cal gardar”, çò disiá dins un testimoniatge impressionant. “Quand èri jòune, de Narbona a Sarlat parlavan la mesma lenga. Per ieu aquela lenga es pas la lenga del passat, quò es una lenga de l’avenir. Dins un monde drubèrt, per aimar, e ben aculhir los autres, cal aimar sa lenga e sa cultura”, çò disiá en tot conclure que “l’occitan participa a la diversitat del Monde,quò es una fòrça per nòstre país, aquò es una fòrça per nòstre Perigòrd”. Es per aquela rason que “cal pas l’oblidar, lo cal gardar”.
Lo segond filmet es encara mai esmovent. Del temps que l’occitanitat es en dòl, qualques jorns après sa mòrt podèm veire lo testimoniatge de Joan Pau Verdier a nos dire que l’occitan es un mestièr per tota la vida. Verdier remembra que sa maire li disiá qu’amb l’occitan fariá pas res dins la vida, m'entre que n'anava far son mestièr tant coma cantador coma animator de ràdio.
Lèu ne poirem veire lo tresen episòdi, qu’esperam tant interessant e encoratjant coma los primièrs dos. De seguir sus Òc Tèle.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Nos podriatz pas bailar de versions que se pòdon descharjar ?
Coma aquò lo monde las podrán faire virar dinc los rasaus sociaus...
Que siriá franc daumatge que damorèsson màs que sobre Òc-tele.
#2
Ensajatz de har quauqaurren, que s'i trobarà tostemps monde entà marronar...
Com at ei dit dens un aute pòst, a un moment dat qu'ei important de har passar un messatge positiu, d'aver monde que testimonien deu lor estacament a la lenga.
Aunestament, ne n'èo pas arren a fóter de la gent qui se'n trufa de la lenga. Per contre que i a, peus nostes parçans, monde que son curiós de la lenga e de la cutura nostas o que pòden desvelopar ua curiositant entad aquò. Qu'ei entad eths que cau testimoniar. Pas taus qui sòlen de franchimandejar ou taus repotegaires professionaus...
#2
Ensajatz de har quauqaurren, qu s'i trobara monde entà marronar...
Com at ei dit dens un aute pòst, a un moment dat qu'ei important de har passar un messatge positiu, d'aver monde que testimonien deu lor estacament a la lenga.
Aunestament, ne n'èo pas arren a fóter de la gent qui se'n trufa de la lenga. Per contre que i a, peus nostes parçans, monde que son curiós de la lenga e de la cutura nostas o que pòden desvelopar ua curiositant entad aquò. Qu'ei entad eths que cau testimoniar. Pas taus qui sòlen de franchimandejar ou taus repotegaires professionaus...
#6
Perqué n'apitatz pas ua vetadièra tele "subversiva" en òc?
Aparentament, que'm sembla qu'avetz ideas a fanègas. Que seré con de'n non pas har profietar lo monde.
#17 hahaha un dus tres! Seriós eh, e v'avisatz qu'ei hòu / arrevisionista d'estar ahumat per noms qui son los de tostemps ençà per'mor que non van pas tot dab los vòstes delerets ideologics?! Que vorrí véser los catalans acceptar que'us aperitz occitans de Catonha hahaha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari