Actualitats
Lo musèu virtual de las fèstas del fuòc
Consagrat a las fèstas del fuòc d’Aragon, de Catalonha e d’Occitània reconegudas per l’UNÈSCO, lo projècte Prometheus serà tot lèst en 2021
Se pòt ja vesitar la version provisòria del musèu virtual de las fèstas del fuòc d’Aragon, de Catalonha e d’Occitània. Lo projècte, nomenat Prometheus, a per tòca d’èsser un espaci participatiu sus Internet ont se vòlga preservar las fèstas del fuòc d’Aran, de Comenge e de Catalonha reconegudas coma Patrimòni Cultural Immaterial per l’UNÈSCO. Lo projècte serà completament prèst en 2021, comprendrà tanben una aplicacion per telefòns mobils intelligents e prepausarà de materials pedagogics innovants. A mai, se tendrà cada an un simpòsi internacional sul subjècte.
E mai l’UNÈSCO aja catalogadas las fèstas del fuòc jos la meteissa etiqueta, aquestas son fòrça ricas e variadas. Cada vila o vilatge las fa segon sa faiçon ancestrala, e se’n presenta de manièras diferentas. La màger part se debanan pel solstici d’estiu (Sant Joan) encara que se’n tròbe pel solstici d’ivèrn (Nadal). Al total son reconegudas 36 comunas d’Occitània (en Comenge e Aran), 14 del Principat de Catalonha, 9 d’Aragon e 3 d’Andòrra.
Lo projècte Prometheus es coordenat per l’Universitat de Lhèida e compta lo sosten de l’Universitat de Barcelona, del CIRDÒC, de l’Universitat de Perpinhan, del Conselh General d’Aran, de la Generalitat de Catalonha, del govèrn d’Andòrra e de la Deputacion de Lhèida. Un dels partenaris, Eth Ostau Comengés, raportava lo projècte sus Jornalet en febrièr passat.
Lo projècte es finançat a un 65% pel Fons Europèu de Desvolopament Regional (FEDER) a travèrs del programa POCTEFA, que cèrca d’enfortir l’integracion economica e sociala de la zòna transfrontalièra dels Pirenèus.
De vesitar: prometheus.museum
E mai l’UNÈSCO aja catalogadas las fèstas del fuòc jos la meteissa etiqueta, aquestas son fòrça ricas e variadas. Cada vila o vilatge las fa segon sa faiçon ancestrala, e se’n presenta de manièras diferentas. La màger part se debanan pel solstici d’estiu (Sant Joan) encara que se’n tròbe pel solstici d’ivèrn (Nadal). Al total son reconegudas 36 comunas d’Occitània (en Comenge e Aran), 14 del Principat de Catalonha, 9 d’Aragon e 3 d’Andòrra.
Lo projècte Prometheus es coordenat per l’Universitat de Lhèida e compta lo sosten de l’Universitat de Barcelona, del CIRDÒC, de l’Universitat de Perpinhan, del Conselh General d’Aran, de la Generalitat de Catalonha, del govèrn d’Andòrra e de la Deputacion de Lhèida. Un dels partenaris, Eth Ostau Comengés, raportava lo projècte sus Jornalet en febrièr passat.
Lo projècte es finançat a un 65% pel Fons Europèu de Desvolopament Regional (FEDER) a travèrs del programa POCTEFA, que cèrca d’enfortir l’integracion economica e sociala de la zòna transfrontalièra dels Pirenèus.
De vesitar: prometheus.museum
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Si-ben, coma los balrògs de Morgòth…
E l'Inquisicion domengana, an contactat lo projècte Prometheus; Ela tanben a un rapòrt fòrça festiu, dins los Pirenèus coma endacòm mai, ab lo fòc. Coma se ditz, an lo fòc sacrat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari