capçalera campanha

Actualitats

InternacionalPoliticaSocietat

Louisville: an tirat sus un acamp pacific antiracista

I auriá almens una persona mòrta e una nafrada. Los manifestants demandavan justícia per la mòrt de Breonna Taylor

| La Patilla
Lo departament de la polícia de Louisville (Kentucky) a raportat almens una persona mòrta dins una fusilhada sus un acamp pacific del movement antiracista que demandava justícia per la mòrt de Breonna Taylor, una ambulancièra afroamericana de 26 ans fusilhada per un policièr a son domicili en març passat. La fusilhada a nafrat grèvament una autra persona qu’es espitalizada. La polícia a dobèrt una enquista per identificar los agressors.

Breonna Taylor foguèt tuada lo 13 de març passat. Durant una perquisicion “erronèa”, los policièrs li tirèron uèch balas mentre que dormissiá amb son calinhaire dins son apartament a Louisville. Avián esclatat la pòrta sens la prevenir, dins l’encastre d’un avís de recèrca erronèu que concernissiá un suspècte que demorava pas pus dins l’immòble e qu’èra ja estat detengut.
 
Segon lo rapòrt de la polícia de Louisville, lo calinhaire de la victima aviá tirat sus la camba d’un policièr. Ara es acusat d’aver assajat de tuar aquel policièr. Son avocat assegura que l’òme sabiá pas que los qu’èran intrats a l’ostal foguèsson de policièrs.
 
Segon los testimoniatges dels vesins, d’efièch, los agents s’èran pas identificats pas coma policièrs.
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
2.

Elements de l'extrema dreta policias o pas, qu' es dedican a far solament lo que saben far, assassinar!.

  • 0
  • 0
Pierre LACHAUD
1.

L'inocent dau vilatge planh l'anti-fasciste mas darrier tot aquò sem lonh de coneisser tot lo dejos de l'afar. Mesfiatz-vos.

  • 4
  • 13

Escriu un comentari sus aqueste article