Actualitats
Eleccions municipalas: abstencion istorica, espelida dels ecologistas e revirada de Macron
Segon los primièrs resultats, a Marselha l’ecologista Rubirola, que mena una lista d'esquèrra, serà elegida consolessa màger. Parièr se passariá a Bordèu amb lo tanben ecologista Hurmic
Lo segond torn de las eleccions municipalas es marcat per una nauta abstencion e la victòria de l'esquèrra a Marselha, e dels ecologistas a Bordèu e dins d’autras vilas importantas de l’estat francés coma Lion o Estrasborg. D’autre caire, lo partit del president Emmanuel Macron a patit una granda revirada, e mai lo primièr ministre Édouard Philippe aja ganhat dins sa vila, la normanda Le Havre.
Segon los primièrs resultats, a Marselha l’ecologista Michèle Rubirola, que mena una lista d'esquèrra, serà elegida consolessa màger, e a Bordèu, lo tanben ecologista Hurmic despassa de pauc Florian de la coalicion dels Republicans e de La Republica en Marcha (LR-LREM). Dins aquela vila cal tanben soslinhar que la lista d'esquèrra radicala conducha per l'èx-candidat a la presidenciala Philippe Poutou aurà tres elegits.
A Tolosa, totun, lo cònsol màger Jean-Luc Moudenc (LR-LREM) venceriá per tres o quatre ponches percentuals la lista esquerrista d’Antoine Maurice. Aquela coalicion drechista auriá tanben ganhat las comunas de Lemòtges, Nimes e Tolon. A Niça, Christian Estrosi (Los Republicans) a revendicat sa victòria fàcia a la lista ecologista e al Recampament Nacional. A Pau, lo president del Modèm, François Bayrou, es estat reelegit. A Montpelhièr, lo socialista Delafosse auriá ganhat amplament e parièr se passa a Clarmont Ferrand amb la victòria d’Olivier Bianchi.
L'extrèma drecha empòrta Perpinhan
Lo deputat RN Louis Aliot, opausat en duèl a Perpinhan al cònsol sortent Jean-Marc Pujol, se felicitava aqueste ser passat als mèdias d’aver ganhat dins la capitala catalana.
Perpinhan es la primièra vila de l’estat francés de mai de cent mila abitants ont lo partit lepenista obten una victòria dempuèi l'eleccion de Jean-Marie Le Chevallier en 1995 a Tolon. Aqueste còp, lo movement d'extrèma drecha ganha amb l'èx-companh de Marine Le Pen e èx-numèro dos del partit.
Recòrd istoric d’abstencion
Un dels enjòcs principals d’aquestas eleccions municipalas èra la participacion. La crisi sanitària del coronavirus e la pèrda de credibilitat del sistèma politic son benlèu los factors d’una abstencion recòrd. Del temps qu’al primièr torn, lo 15 de març passat i aguèt una abstencion excepcionalament nauta amb una participacion d'un 44%, aqueste còp la participacion a davalat fins a un 40%. Los cincs departaments de l’estat francés qu'an votat mai son lo de la Corsega del Sud e quatre occitans: Cantal, Losera, los Nauts Alps e las Landas.
Podètz consultar totes los resultats sus elections.interieur.gouv.fr.
Segon los primièrs resultats, a Marselha l’ecologista Michèle Rubirola, que mena una lista d'esquèrra, serà elegida consolessa màger, e a Bordèu, lo tanben ecologista Hurmic despassa de pauc Florian de la coalicion dels Republicans e de La Republica en Marcha (LR-LREM). Dins aquela vila cal tanben soslinhar que la lista d'esquèrra radicala conducha per l'èx-candidat a la presidenciala Philippe Poutou aurà tres elegits.
A Tolosa, totun, lo cònsol màger Jean-Luc Moudenc (LR-LREM) venceriá per tres o quatre ponches percentuals la lista esquerrista d’Antoine Maurice. Aquela coalicion drechista auriá tanben ganhat las comunas de Lemòtges, Nimes e Tolon. A Niça, Christian Estrosi (Los Republicans) a revendicat sa victòria fàcia a la lista ecologista e al Recampament Nacional. A Pau, lo president del Modèm, François Bayrou, es estat reelegit. A Montpelhièr, lo socialista Delafosse auriá ganhat amplament e parièr se passa a Clarmont Ferrand amb la victòria d’Olivier Bianchi.
L'extrèma drecha empòrta Perpinhan
Lo deputat RN Louis Aliot, opausat en duèl a Perpinhan al cònsol sortent Jean-Marc Pujol, se felicitava aqueste ser passat als mèdias d’aver ganhat dins la capitala catalana.
Perpinhan es la primièra vila de l’estat francés de mai de cent mila abitants ont lo partit lepenista obten una victòria dempuèi l'eleccion de Jean-Marie Le Chevallier en 1995 a Tolon. Aqueste còp, lo movement d'extrèma drecha ganha amb l'èx-companh de Marine Le Pen e èx-numèro dos del partit.
Recòrd istoric d’abstencion
Un dels enjòcs principals d’aquestas eleccions municipalas èra la participacion. La crisi sanitària del coronavirus e la pèrda de credibilitat del sistèma politic son benlèu los factors d’una abstencion recòrd. Del temps qu’al primièr torn, lo 15 de març passat i aguèt una abstencion excepcionalament nauta amb una participacion d'un 44%, aqueste còp la participacion a davalat fins a un 40%. Los cincs departaments de l’estat francés qu'an votat mai son lo de la Corsega del Sud e quatre occitans: Cantal, Losera, los Nauts Alps e las Landas.
Podètz consultar totes los resultats sus elections.interieur.gouv.fr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Al giratòri d'Autariva (31) los Gilets Jaunes èran d'esquèrra comunista revolucionària o anarco-sindicalistas. Bastava e los anar encontrar e d'escambiar amb eles per o saber, mai que d'escotar la propaganda subre los meidas dominants. En los encontrant gaireben cada ser, pendent de meses longs (e freds…) ai agut tot mon léser d'o descobrir. Non volián d'una esquèrra dita "de governament", ja necessàriament compatibla amb l'assignacion europèa al neoliberalisme (Cf. l'exemple tragic grèc). E quand un mariòl d'ultradreita assajava de nos venir far de rasonaments, èra recebut per un comitat d'acuèlh gaire sorisent ni frairal…
#1 pròva que degun es profèta al sieu país
#5 Benlèu que soi borgés mas faicista pas brica. Me sentissi d’esquèrra amb una tendència anarquista. Totes los paures son pas revolucionaris. N’i a que son faiscistas ! Amb mon argent de borgés ajudi cada annada las calandretas. Uèi lo Jornalet nos informa qu’una calandreta a besonh d’una ajuda financièra. Aital auretz l’escasença de faire quicòm de concret per la lenga al luòc de romegar. Quand vesi lo pòble francés ai pas l’impression que la revolucion es a mand d’arribar.
çò mai important es que LReM se siagua prèn una brava còp de pè al cuòl. La progression dels ecologistas es una bona causa per cambiar l'ambiancia dins lo païs, e mai siagan pas sempre de l'ecologia meuna, valent a dire de l'ecologia collectivista onte los pus rics pagan en prumièr (e non pas los gilets jaunes e los de la meteissa classa).
#10 mouais. benlèu la lgv, benlèu sustot la politica miada per la mairia dempuish detzenas d'annadas : destrusir los quartièrs populars, st-pèir, st nicolau, st miquèu, sta crotz, belcier, tot renavir ende transformar una vila vitanta en rua-musèu clafida de barber-shops, de cavistas et d'agéncias imobiliàrias. sortir las familhas, las estremar en banlèga o ve-te'n'sàber ont, e deishar los hauts revinguts prénder plaça. netejar las plaças, los trepadèirs, los mòles, las andrònas e tot çò dont hadè l'amna de bordèu.
lo temps daus hangars, de las culturalas alternativas non-subvencionadas (aquò's un led mòt uèi-lo-dia), de las zònas totplen poeticas e abandonadas de la riba dreita, de la mixitat sociala estrambordanta que damorava plan vitèga dinc a las annadas 2010, aquò's hòrt lunh, quiòc.
mès la gentrificacion n'es pas especifica a bordèu, ce'm sembla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari