Cada an, la botiga “Arlabosse” de Milhau se decervela per una animacion de la veirina. Encara mai, aquò fa un brieu que tot aquò dura! E, vos disi pas, per trobar cada còp quicòm de polit, un daquòs per trapar una bona meningiti.
Aquesta annada la veirina es dedicada als viatges. I a de batèus dels tempses dels faraons, de carròças dels tempses dels reis, de trens de vapor e i a tanben un avion, un biplan, sens oblidar las veituras. Podèm dire que i a totes los transpòrts, dempuèi la barca de Cleopatra dusca a la darrièra Porsche. E çò mai polit, es que l’avion vola.
Per descriure aquela meravilha, me caldriá tot lo Jornalet! E encara, sabi pas se n’i auriá pro!
Se volètz agachar aquò, avetz pas qu’anar a Milhau! La botiga es al baloard Sadi-Carnot.
De ser, lo lum es alucat e i a un molon de monde per veire aquò, que se diriá gaireben lo centre del monde!
Joan de Girondesca
L’Ostal de la Lenga
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari