Actualitats
François Fillon condemnat a cinc ans de preson per l’escàndol dels “emplecs fictius”
Un tribunal de París a declarat l’ex-primièr ministre e sa femna colpables de malversacion de fonzes publics, d’abús de bens socials, de complicitat de recelament e tanben de trafec d’influéncias
L’ex-primièr ministre francés François Fillon, l’an condemnat aqueste diluns passat a cinc ans de preson e a dètz ans d’inelegibilitat per l’escàndol dels “emplecs fictius” pels quals sa molhèr, Penélope Fillon, auriá encaissat d’argent. Ela l’an condemnada a tres ans de pena. Un tribunal de París a declarat los Fillon colpables de malversacion de fonzes publics, d’abús de bens socials, de complicitat de recelament e tanben de trafec d’influéncias.
Per tant, l’èx-primièr ministre deurà èsser encarcerat almens dos ans e mai deurà pagar una multa de 375 000 èuros e pendent dètz ans poirà pas pus far de politica activa. Quant a Penélope, condemnada a tres ans de preson, deurà pas èsser encarcerada mas pagar una emenda equivalenta a la de son marit. A mai, lo parelh deurà remborsar tot l’argent encaissat fraudulosament.
A mai, lo tribunal a reprochat a l’èx-primièr ministre qu’aguèsse emplegat pus tard sos dos filhs en seguissent “lo meteis mecanisme” que dins lo cas de sa molhèr.
Joulaud condemnat a tres ans
De son costat, l’èx-deputat Marc Joulaud, que remplacèt Fillon a l’Assemblada Nacionala francesa e perlonguèt los emplecs fictius, es tanben estat declarat colpable. Los jutges l’an condemnat a tres ans de preson, a una emenda de 20 000 èuros e a cinc ans d’inelegibilitat. A mai, el e Penélope Fillon deuràn pagar 679 000 èuros.
Fillon demandèt perdon mas se presentèt a la presidenciala
Al moment que se coneguèt l’escàndol, Fillon demandèt perdon als franceses mas refusèt de demissionar e precisèt que solament o fariá s’èra inculpat. Totun, mantenguèt sa candidatura a l’Elisi a la presidenciala de 2017, malgrat sa convocacion pels jutges, e foguèt lo tresen candidat pus votat, amb lo 20,01% dels vòtes.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Nepotisme frequent
Aquela practica nepotista semblariá pas brica estranha se prenèm en compte una informacion que la publiquèt Mediapart fa longtemps, segon la quala l’Assemblada francesa remunerèt, l’an 2014, 52 esposas, 28 filhs e 32 filhas.
Per tant, l’èx-primièr ministre deurà èsser encarcerat almens dos ans e mai deurà pagar una multa de 375 000 èuros e pendent dètz ans poirà pas pus far de politica activa. Quant a Penélope, condemnada a tres ans de preson, deurà pas èsser encarcerada mas pagar una emenda equivalenta a la de son marit. A mai, lo parelh deurà remborsar tot l’argent encaissat fraudulosament.
A mai, lo tribunal a reprochat a l’èx-primièr ministre qu’aguèsse emplegat pus tard sos dos filhs en seguissent “lo meteis mecanisme” que dins lo cas de sa molhèr.
Joulaud condemnat a tres ans
De son costat, l’èx-deputat Marc Joulaud, que remplacèt Fillon a l’Assemblada Nacionala francesa e perlonguèt los emplecs fictius, es tanben estat declarat colpable. Los jutges l’an condemnat a tres ans de preson, a una emenda de 20 000 èuros e a cinc ans d’inelegibilitat. A mai, el e Penélope Fillon deuràn pagar 679 000 èuros.
Fillon demandèt perdon mas se presentèt a la presidenciala
Al moment que se coneguèt l’escàndol, Fillon demandèt perdon als franceses mas refusèt de demissionar e precisèt que solament o fariá s’èra inculpat. Totun, mantenguèt sa candidatura a l’Elisi a la presidenciala de 2017, malgrat sa convocacion pels jutges, e foguèt lo tresen candidat pus votat, amb lo 20,01% dels vòtes.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Nepotisme frequent
Aquela practica nepotista semblariá pas brica estranha se prenèm en compte una informacion que la publiquèt Mediapart fa longtemps, segon la quala l’Assemblada francesa remunerèt, l’an 2014, 52 esposas, 28 filhs e 32 filhas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pas pro ! comma disiá ma maire.
Dich aquò, se comença de saupre que lor poders facticis (Arnault, lo trident de « Le Monde », los patrons de « Libération », Attali, Jouyet e d’autres) èran a l’òbra per daissar lo camin liure al Rastinhac de l’Elisèu que sabián que lor rendriá de fièrs servicis (ISF, desmantèlament del còdi del trabalh, de l’espital public, eca) jos un vernís d’esquèrra per endormir lo brave pòble.
Tot aquò amb l’ajuda objectiva d’un cèrt « Republican » que li’n voliá al senhor del Sablé/Sarthe.
#1
Solide, que's tròba enqüèra asos ta'u créder innocent e victima d'un secutament politicò-juduciari.
"Dètz ans d’inelegibilitat"… E après, se pòt tornar presentar, tranqille coma Guston quand tornava d'escodre ?… E i aurà encara d'ases pro nècis per votar per aqueste arlandièr ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari