Actualitats
L’estat francés a aumentat sa participacion dins l’ÒPLO
L’estat aumenta sa participacion de près d'un 57% dins l’Ofici Public de la Lenga Occitana
L’estat francés a aumentat sa participacion de près d'un 57% dins l’Ofici Public de la Lenga Occitana (ÒPLO) e assegura la presa en carga d’un segond pòst d’encargat de mission, çò rapòrta un comunicat bilingüe de la region Nòva Aquitània.“Aquera decision deu perméter d’intensificar los esfòrç en favor deu desvolopament de la lenga occitana, alara que la darrèira enquèsta sociolinguistica nos muisha com es en dangèir”,çò a dich la Charline Claveau, presidenta de l’ÒPLO e conselhièra regionala de la Nòva Aquitània encargada de las lengas regionalas. A mai, lo conselh regional d’aquela region a profechat de l’escasença per saludar l’escota atentiva dels rectors de las circonscripcions escolaras, dichas acadèmias, de Bordèu, Lemòtges, Tolosa e Montpelhièr.
De remembrar que los conselhs regionals de las regions dichas Nòva Aquitània e Occitània participan amb 2,6 milions d’èuros al budget de l’ÒPLO.
Prètzfach
L’Ofici Public de la Lenga Occitana es un organisme public que sa tòca es de definir una politica publica en favor de l’occitan, de ne sosténer la promocion e de ne favorizar l’ensenhament e la transmission. Demest sas orientacions prioritàrias, l’ÒPLO se bat per l’ensenhament de l’occitan e dins aquel sens se signèt una convencion entre l’Ofici, lo Ministèri de l’Educacion Nacionala e las doas regions concernidas lo 26 de genièr de 2017. Una convencion qu’ara la presidenta de la region qu’a pres lo nom d’Occitània n’exigís lo compliment.
Dins sas missions, l’ÒPLO velha tanben de sosténer d’accions de transmission e de socializacion de l’occitan en collaborant amb las associacions e d'autres actors engatjats sus aquestas questions.
Una cauma de la fam per l’obténer
E mai la creacion de l’ÒPLO foguèsse aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude faguèsse una cauma de la fam d’una setmana per que se publiquèsse dins lo Jornal Oficial de l’estat francés lo decret necessari.
De remembrar que los conselhs regionals de las regions dichas Nòva Aquitània e Occitània participan amb 2,6 milions d’èuros al budget de l’ÒPLO.
Prètzfach
L’Ofici Public de la Lenga Occitana es un organisme public que sa tòca es de definir una politica publica en favor de l’occitan, de ne sosténer la promocion e de ne favorizar l’ensenhament e la transmission. Demest sas orientacions prioritàrias, l’ÒPLO se bat per l’ensenhament de l’occitan e dins aquel sens se signèt una convencion entre l’Ofici, lo Ministèri de l’Educacion Nacionala e las doas regions concernidas lo 26 de genièr de 2017. Una convencion qu’ara la presidenta de la region qu’a pres lo nom d’Occitània n’exigís lo compliment.
Dins sas missions, l’ÒPLO velha tanben de sosténer d’accions de transmission e de socializacion de l’occitan en collaborant amb las associacions e d'autres actors engatjats sus aquestas questions.
Una cauma de la fam per l’obténer
E mai la creacion de l’ÒPLO foguèsse aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude faguèsse una cauma de la fam d’una setmana per que se publiquèsse dins lo Jornal Oficial de l’estat francés lo decret necessari.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Conta'm : 100 000 € per Terminator 2. Loooooooooooooooooooooooooooooooooool.
Qu'èi condat : quasi ua fauta a la seconda. Sic...
https://www.youtube.com/watch?v=-t8eYaUGjkM
#3 Pichòta precision complementària : l'envolopa dirècta de la seccion regionala OPM de l'IEO baissa pas. Mas l'IEO OPM pòrta tanben los dorsièrs per un trentenat d'associacions, que fan part de son malhum. Se vei pas forçadament dins lo tablèu, qu'es ordenat per montant puslèu que per pòl/portaire, mas se calculèt en 2019 que lo malhum IEO representava entre 35 e 40% del nombre d'estructuras finançadas per l'ÒPLO, per 10 % de l'envolopa globala. Ongan lo malhum creis (d'associacions novèlas del malhum son demest los regets) e se constata una baissa globala de tot aquel monde d'a pauc près 5 %. Amai de còps fan pas que levar 50 o 100 €. Es una interrogacion màger.
Pel Diari, rapèli tanben que l'ÒPLO suprimiguèt l'ajuda que donava fins aquí al magazine en 2019, alara qu'èra en creissença e desvolopament. Los 5 000 € que demòran (encara en 2020) son autrejats per la DGLFLF... mas passan per l'ÒPLO. Çò qu'es pas simple de comprene !
Enfin senhali que, se i a pauc de cambiaments demest los "portaires gròsses", lo CFPÒc (Ortès) patís plan, amb una baissa consequenta. Trobaretz qualques linhas sus aquel subjècte precís demest las deliberacions sul site de l'ÒPLO, es plan instructiu : https://www.ofici-occitan.eu/fr/deliberations/
Region, Estat ? Sèm, nosautres, los contribuïbles, que pagam. Non son senhors que del som de lor condescendéncia, nos acordarián l'almòina !… L'OPLO continua de servir sonque los amics de sos amics. Dins l'encastre politic, aqueste favoritisme me sembla dels mai suspèctes al davant de la lei.
#4 Segon l'article, l'estat butarà desenant lo 57%, vòl dire qu'o fa pas encara mas qu'o farà totara. Alavetz veirem se la participacion de las regions davala o lo budget de l'OPLO monta. Es atal qu'o ai comprés ieu
#3 Diu vivant ! Ne cau pas crubar (tocar) a l'empèri deu JL Blenet !!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari