Actualitats
Airbus reduirà 15 000 emplecs
Los representants de la societat aerospaciala preveson que la circulacion d’avions tornarà pas abans 2023 als nivèls anteriors a la covid-19
Airbus a anonciat una reduccion de 15000 emplecs dins tot lo Mond. Concretament, 5000 emplecs seràn perduts dins l’estat francés —dont a Tolosa e Marinhana— 900 dins l’estat espanhòl, 5100 en Alemanha, 1700 dins lo Reialme Unit e d’autras 1300 personas de la rèsta de la planeta.
La societat paneuropèa nascuda a Tolosa a assegurat que trabalhariá amb sos interlocutors socials per minimizar l’impacte d’aquela reduccion sus las vidas de totas las personas concernidas, “en se fisant de totas las mesuras socialas disponiblas”. Atal, Airbus pensa als licenciaments volontaris, a las retiradas anticipadas e als plans de caumatge parcial de long tèrme.
Dimars passat, la direccion s’amassèt amb los sindicats per lor comunicar sa decision. Airbus assegura que l’activitat comerciala dels avions s’es reducha d’un 40% dins los darrièrs meses per una “crisi sens precedents”. Dins aquel sens, los representants de la societat aeronautica an explicat qu’èra pas previst que la circulacion d’avions tornèsse als nivèls anteriors a la covid-19 abans 2023 e potencialament fins a 2025. Per tant, an entamenat aquela tièra d’informacions e consultas amb los agents socials en esperant d’arribar a d’acòrdis e de poder començar la reduccion d’emplecs dins la davalada que ven.
“Airbus afronta la crisi pus grèva qu’aquesta indústria aja jamai experimentat”, çò diguèt lo director general d’Airbus, Guillaume Faury, qu’espèra de poder sortir de la crisi en mantenent la companhiá coma societat aerospaciala de referéncia.
La societat paneuropèa nascuda a Tolosa a assegurat que trabalhariá amb sos interlocutors socials per minimizar l’impacte d’aquela reduccion sus las vidas de totas las personas concernidas, “en se fisant de totas las mesuras socialas disponiblas”. Atal, Airbus pensa als licenciaments volontaris, a las retiradas anticipadas e als plans de caumatge parcial de long tèrme.
Dimars passat, la direccion s’amassèt amb los sindicats per lor comunicar sa decision. Airbus assegura que l’activitat comerciala dels avions s’es reducha d’un 40% dins los darrièrs meses per una “crisi sens precedents”. Dins aquel sens, los representants de la societat aeronautica an explicat qu’èra pas previst que la circulacion d’avions tornèsse als nivèls anteriors a la covid-19 abans 2023 e potencialament fins a 2025. Per tant, an entamenat aquela tièra d’informacions e consultas amb los agents socials en esperant d’arribar a d’acòrdis e de poder començar la reduccion d’emplecs dins la davalada que ven.
“Airbus afronta la crisi pus grèva qu’aquesta indústria aja jamai experimentat”, çò diguèt lo director general d’Airbus, Guillaume Faury, qu’espèra de poder sortir de la crisi en mantenent la companhiá coma societat aerospaciala de referéncia.
“Airbus plans to further adapt to #COVID19 environment with new measures to safeguard the Company’s future.” https://t.co/IRTNGHulvT
— Airbus (@Airbus) June 30, 2020
Hear from Airbus CEO @GuillaumeFaury. pic.twitter.com/KGAwq1NxkQ
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot passa. E amb la tempèsta que nos tombarà sus l'esquina, ja que fasèm pas res per l'evitar, l'aeronautica deurà redusir sas alas. A los que se ploran sus çò que los espèra, lor conselhi de legir "Lo poèma dau Ròse", que canta, e de quina manièra ! la fin d'un mond*. Es quicòm mai que l'emocional televisiu.
Terré ! Cresi que me farai pas d'amics del costat de la ciutat mondina. Mas benlèu qu'aquò nos estalviarà lo sacrifici del vinhièr de Fronton ? Qual sap ?
*Amb lo capitani que lo vòl pas veire venir, coma sempre se passa.
7 miliards d'euros balhats per l'estat francès, e son pas fotuts de manténer 15 000 emplècs? Quunes incapables! Disi pas que cal contunhar coma abans, perque aquesta industria es tras que chucaira en energia, mès porriam favorizar de reconversions dins d'activitats de naut nivèl de qualificacion e que respècten l'environa.
Dins lo domeni dels transpòrts, la navigacion aeriana es responsabla d'un tèrç de la pollucion e de las produccion de CO2 (un autra tèrç per la marina merchanda, e lo darrièr tèrç sonque per las veituras e los camions). Se volèm salvar la planèta e tot çò que i viu per encora un pauc de temps, a un moment o a un autre, nos caldrà plan confrontar a las fonts evidentas d'aquel problèma.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari