capçalera campanha

Actualitats

EnvironamentInternacional

Botswana: an trobat mai de 350 elefants mòrts dins las darrièras setmanas

Demest las ipotèsis principalas se tròba l’empoisonament o una malautiá pauc frequenta

| @ajplus
An trobat mai de 350 elefants mòrts en Botswana dins las darrièras setmanas. Los scientifics n’an pas pogut identificar la rason. Los resultats de las analisis que se fan als laboratòris arribaràn dins qualques setmanas: las autoritats del país, d’efièch, dison que, abans tot, se vòlon assegurar que l’enquista metrà pas en perilh de vidas umanas. Demest las ipotèsis principalas se parla de l’empoisonament o d’una malautiá pauc frequenta. Çò qu’es verai es que la proporcion d’elefants mòrts es fòrça pus nauta que d’abitud, e los expèrts avertisson que las chifras pòdon èsser encara mai elevadas.
 
La primièra descobèrta d’elefants mòrts se passèt a la fin del mes de mai sul dèlta del flume Okavango, dins lo nòrd del país, quand s’enregistrèt 169 mòrts. Puèi la chifra s’es multiplicada. Al mes de junh lo nombre d’elefants mòrts èra del doble. Lo doctor Niall McCann, director encargat de la conservacion dins l’organizacion animalista britanica National Park Rescue, explica: “Aquela mortaldat es massissa a un nivèl que s’èra pas vist dempuèi plan longtemps. Franc de las causadas per la secaresa, coneissi pas cap de mortalitat tan significativa”, çò rapòrta The Guardian.
 
A mai, lo quotidian anglés rapòrta tanben que, segon de sorsas localas, s’es vist d’elefants que caminavan en cercles, un element que privilegiariá la teoria de la malautiá.
 
Una de las ipotèsis es que los aurián intoxicats intencionalament amb de cianur, perque se tracta d’una practica emplegada sovent pels braconièrs dins lo sud d’Africa, e perque lo 70% dels cadavres son trobats a l’entorn de lacs ont los paquidèrmes èran anats beure. Pasmens, las autoritats e los environamentalistas considèran qu’aquela ipotèsi es pauc probabla.
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Daktari
2.

#1 En qué la vida dels elefants seriá mens importanta o interessanta que la tieuna ?

  • 1
  • 0
Racatge Jornalenc
1.

La vida daus elefants es importanta, los chau sauvar

  • 0
  • 0

Escriu un comentari sus aqueste article