Actualitats
Índia a enebit TikTok coma represalha del conflicte frontalièr amb China
Lo ret social entamenat per una societat chinesa a perdut lo 30% de son mercat
India a enebit TikTok e d’autras aplicacions mobilas chinesas en consequéncia del conflicte frontalièr en Cashmir. Amb aquela enebicion l’entrepresa chinesa pèrd son principal mercat e qualques centenats de milions de joves indians pèrdon lor ret social pus presat. TikTok es un ret social de creacion de vidèos amators qu’es vengut fòrça popular mai que mai demest los joves de la Generacion Z, valent a dire los nascuts dempuèi 1997. L’aplicacion es fòrça populara demest los joves occitans, mas son mercat màger es Índia. Aquí es installada sus 610 milions de telefòns intelligents e ten unes 200 milions d’usatgièrs fòrça actius. Aquò representa lo 30% del mercat de TikTok.
En mai de TikTok, lo govèrn d’Índia a enebit una seissantena d’aplicacions chinesas, coma WeChat o UC Browser. Asseguran que TikTok representa una menaça per “la sobeiranetat e l’integritat d’Índia, sa defensa, la seguretat de l’estat e l’òrdre public”. A mai, assegura que l’aplicacion viòla la confidencialitat dels usatgièrs, çò que TikTok a desmentit sul pic.
Del costat chinés, lo ministèri dels afars estrangièrs a dich qu’“India ten la responsabilitat de respectar los dreches e los interèsses dels investidors estrangièrs, compresas las societats chinesas, en acòrdi amb las leis del mercat.”
Lo conflicte frontalièr
Lo mes de junh passat, las armadas d’Índia e de China s’afrontèron dins l’airal de Galwan, un enclavament de l’Imalaia disputat entre los dos estats. Aquesta batalha particulara la tenguèron sens armas de fuòc mas amb de pèiras, de bastons e las mans. Las autoritats indianas rapòrtan un vintenat de soldats tuats de lor costat e asseguran que tanben i a de mòrts del costat chinés, mas Pequin o confirma pas e a pas citat cap de chifra. Las bassas temperaturas d’aquelas montanhas, las pus nautas de la planeta, son mai que mai la causa del tragic bilanç d’aquela batèsta entre las doas armadas.
L’eveniment a fach montar la tension entre China e Índia que revendican de zònas de Cashmir. La rèsta del Mond es inquiet per las tensions entre dos estats que son de poténcias nuclearas.
L’encastre del conflicte se tròba sus la frontièra considerada coma la pus complèxa del Mond e que devesís Cashmir entre los estats chinés, indian e paquistanés; tres poténcias nuclearas qu’ocupan un país que revendica sa sobeiranetat mas qu’es de mai en mai reprimit, sustot per Índia. A mai, la partida chinesa de Cashmir es la que ten l’estrada que jonh los dos territòris que tenon de conflictes nacionals amb l’estat chinés: Tibet e Xinjiang, ont demòran los oigors.
En mai de TikTok, lo govèrn d’Índia a enebit una seissantena d’aplicacions chinesas, coma WeChat o UC Browser. Asseguran que TikTok representa una menaça per “la sobeiranetat e l’integritat d’Índia, sa defensa, la seguretat de l’estat e l’òrdre public”. A mai, assegura que l’aplicacion viòla la confidencialitat dels usatgièrs, çò que TikTok a desmentit sul pic.
Del costat chinés, lo ministèri dels afars estrangièrs a dich qu’“India ten la responsabilitat de respectar los dreches e los interèsses dels investidors estrangièrs, compresas las societats chinesas, en acòrdi amb las leis del mercat.”
Lo conflicte frontalièr
Lo mes de junh passat, las armadas d’Índia e de China s’afrontèron dins l’airal de Galwan, un enclavament de l’Imalaia disputat entre los dos estats. Aquesta batalha particulara la tenguèron sens armas de fuòc mas amb de pèiras, de bastons e las mans. Las autoritats indianas rapòrtan un vintenat de soldats tuats de lor costat e asseguran que tanben i a de mòrts del costat chinés, mas Pequin o confirma pas e a pas citat cap de chifra. Las bassas temperaturas d’aquelas montanhas, las pus nautas de la planeta, son mai que mai la causa del tragic bilanç d’aquela batèsta entre las doas armadas.
L’eveniment a fach montar la tension entre China e Índia que revendican de zònas de Cashmir. La rèsta del Mond es inquiet per las tensions entre dos estats que son de poténcias nuclearas.
L’encastre del conflicte se tròba sus la frontièra considerada coma la pus complèxa del Mond e que devesís Cashmir entre los estats chinés, indian e paquistanés; tres poténcias nuclearas qu’ocupan un país que revendica sa sobeiranetat mas qu’es de mai en mai reprimit, sustot per Índia. A mai, la partida chinesa de Cashmir es la que ten l’estrada que jonh los dos territòris que tenon de conflictes nacionals amb l’estat chinés: Tibet e Xinjiang, ont demòran los oigors.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari