Actualitats
Turquia a condemnat per terrorisme lo cap de la seccion d’Amnestia Internacionala d’aquel país
Taner Kılıç es sentenciat a sièis ans e tres meses de preson, e tres autres activistas a vint e cinc meses per aver collaborat amb el
Un tribunal de Turquia a condemnat lo cap de d’Amnestia Internacionala (AI) d’aquel país, Taner Kılıç, a sièis ans e tres meses de preson per terrorisme, e los activistas Özlem Dalkıran, İdil Eser e Günal Kurşun a vint e cinc meses per i aver collaborat. Los activistas pels dreches umans son per ara en libertat mentre qu’espèran la resolucion de l’apelacion dins un procès que se pòt perlongar de qualques annadas. La justícia los acusava d’aperténer a l’organizacion Fethullah Gülen.
Lo cercaire d’AI en Turquia qu’a assistit al jutjament, Andrew Gardner, a declarat: “Sèm estats uèi testimònis d’una parodia de la justícia de las proporcions superlativas. Aquesta senténcia es un còp devastaire non solament per Taner, Özlem, İdil, Günal e lors familhas, mas per totas las personas que creson a la justícia e a l’activisme dels dreches umans en Turquia e fòra del país”. A mai, a precisat que dins lo jutjament s’èra tengut de prepauses difamatòris sens fondament.
“La senténcia del tribunal desfisa la logica e met en evidéncia qu’aquestes tres ans de jutjament son estats, tre lo primièr jorn, un assag, per de rasons politicas, de far calar las voses independentas”, çò a apondut. “Es tragic de veire lo ròtle que l’a exercit [lo sistèma judiciari turc] e que lo contunha d’exercir sus la criminalizacion de la defensa dels dreches umans”, çò a criticat.
Lo cercaire d’AI en Turquia qu’a assistit al jutjament, Andrew Gardner, a declarat: “Sèm estats uèi testimònis d’una parodia de la justícia de las proporcions superlativas. Aquesta senténcia es un còp devastaire non solament per Taner, Özlem, İdil, Günal e lors familhas, mas per totas las personas que creson a la justícia e a l’activisme dels dreches umans en Turquia e fòra del país”. A mai, a precisat que dins lo jutjament s’èra tengut de prepauses difamatòris sens fondament.
“La senténcia del tribunal desfisa la logica e met en evidéncia qu’aquestes tres ans de jutjament son estats, tre lo primièr jorn, un assag, per de rasons politicas, de far calar las voses independentas”, çò a apondut. “Es tragic de veire lo ròtle que l’a exercit [lo sistèma judiciari turc] e que lo contunha d’exercir sus la criminalizacion de la defensa dels dreches umans”, çò a criticat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 E òc, los imperials de Roma faguèron cremar los primièrs crestians dins las arenas de Verona, puèi, dètz sègles mai tard, los catolics de Roma faguèron cremar los darrièrs crestians (catars) dins las meteissas arenas… Car AMOR, al revèrs, s'escriu ROMA !
Me recorda la barbaria del poder imperial perseguint als defensors dels cristianisme, coma Sant Adrian que foguet esquarterat per no voler renegar, en l'antic Imperi Roman d'Orient per l 'an 300. Visca Amnestia Internacional.
Non foguèsse un drama per la victima e los sieus, seriá a morir de rire ! Turquia qu'acusa un defensor dels dreits umans de terrorisme…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari