Actualitats
Decès d’Ennio Morricone
Lo compositor italian nos a quitats a 91 ans en daissant una granda òbra, dont mai de cinc cents musicas de filmes
Nos a quitats lo compositor e cap d’orquèstra italian Ennio Morricone; aviá 91 ans. Morricone serà totjorn dins las ments per mai de cinc cents musicas de filmes dont Cinema paradiso, The Mission, The Untouchables, Il buono il brutto il cattivo... ça que la, solament ganhèt un Oscar per la musica del filme The Hateful Eight de Quentin Tarantino.
Nascut a Roma lo 10 de novembre de 1928, Morricone comencèt fòrça lèu de cultivar son amor per la musica. Quand èra mainat, tocava la trompeta e a sièis ans creèt sa primièra òbra. Diplomat en 1954, comencèt de far lo compositor per de grands noms de l’indústria. La reconeissença e la reputacion professionalas li arribèron abans per sas produccions musicalas per la ràdio.
A partir dels ans 1960, gràcias a son amistat amb Sergio Leone, Ennio Morricone intrèt dins lo mond del cinèma. En 1984, èra lo favorit per ganhar l’Oscar per la musica del filme Once Upon a Time in America, mas l’acadèmia lo desqualifiquèt pel fach que son nom èra pas indicat dins los crèdits del filme. En 2006, ensagèron de reparar aquela error en li autrejant l’Oscar onorific “per sas magnificas e eclecticas contribucions a l’art de la musica del cinèma”.
Segon de mèdias locals, Morricone es trespassat en seguida d’una casuda ont se trenquèt lo femur.
Nascut a Roma lo 10 de novembre de 1928, Morricone comencèt fòrça lèu de cultivar son amor per la musica. Quand èra mainat, tocava la trompeta e a sièis ans creèt sa primièra òbra. Diplomat en 1954, comencèt de far lo compositor per de grands noms de l’indústria. La reconeissença e la reputacion professionalas li arribèron abans per sas produccions musicalas per la ràdio.
A partir dels ans 1960, gràcias a son amistat amb Sergio Leone, Ennio Morricone intrèt dins lo mond del cinèma. En 1984, èra lo favorit per ganhar l’Oscar per la musica del filme Once Upon a Time in America, mas l’acadèmia lo desqualifiquèt pel fach que son nom èra pas indicat dins los crèdits del filme. En 2006, ensagèron de reparar aquela error en li autrejant l’Oscar onorific “per sas magnificas e eclecticas contribucions a l’art de la musica del cinèma”.
Segon de mèdias locals, Morricone es trespassat en seguida d’una casuda ont se trenquèt lo femur.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las pel·liculas era coma uns espàgueti uester, una porquerieta, mas la música un concert.
La musica d'aqueste compositor pren dos aspèctes plan distincts : d'un costat, çò de plan luènh mai conegut, a trabalhat subre la musica de filmes ; mas d'un autre costat, fòrça mens conegut, a tanben fòrça trabalhat a la musica dita "classica contemporanèa" autrament mai sabent e complèxa, que ne liurava, de concèrts en concèrts, unes escandilhons fòrça pivelants e meditatius. Foguèsse estat poèta al sègle XII, auriá dit d'el que practicava a l'encòp lo trobar lèu e lo trobar clus. Partida d'aquesta "musica clusa" se tròba, exemplificada, per exprimir la páur, l'angóissa, l'inquietud e lo mistèri, dins los ambients filmics sieus, fòrça caracteristics, e largament imitats a sa seguida — e jamai egalat. A tot punt de vista, Ennio Morricone èra un musician audaciós, inventiu e experimentalista, mas tostemps a l'escota de la sensibilitat e de la destressa umanas. Amb son amic e complici Sergio Leonne (mon realizator favorit), an creat un image nòu del western qu'es al western amirican classic çò que lo Roman occitan medieval de Jaufré es la la tradicion europèa de las gèstas bretonas. Me soi fòrça noirrit d'aqueste apòrt per establir tot çò publicat o non qu'ai pogut escriure en pròsa narrativa. Son mos dos mèstres de la narracion, indiscutiblament, e non sabi trebalhar en pròsa sense eles al fons del còr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari