An agarrit brutalament un menaire del tram’bus de Baiona de cinquanta ans que se tròba espitalizat en mòrt cerebrala. Cinc personas, totas presentas al moment de l’agression, son plaçadas en gàrdia a vista.
 
Los faches se passèron dimenge a l’entorn de 19h, quand lo menaire refusèt la pojada a un òme sens masca acompanhat d’un can; a aquel moment demandèt a quatre passatgièrs qu’èran ja dins lo veïcul de portar la masca o de descendre. Es alavetz que l’ataquèron amb una granda violéncia. Los socorses lo menèron a l’espital, inconscient; en seguida, los mètges lo declarèron en estat de mòrt cerebrala.
 
La polícia es a entendre las personas qu’assistiguèron a la scèna. Mas los enquistaires cèrcan mai de testimoniatges e demandan tota persona qu’aja pres la linha T1 entre la gara de Baiona e Balishon entre 19h e 19h15. Vòlon comprene perqué lo menaire descendèt del bus per parlar al grop, çò que se passèt pendent lo trajècte, quant de mond son vertadièrament implicats dins l’agression e lo desvolopament dels faches.
 
De collègas del menaire atacat se son acampats davant l’espital per manifestar lor sosten. Asseguran que dins los darrièrs jorns son estats victimas de tres agressions e planhon la manca de seguretat sus las linhas e las tensions quotidianas amb los usatgièrs.
 
 






 

«On nous a détruits en quelques secondes», confie l’épouse du chauffeur de bus de Bayonne
https://t.co/ucIQeKZPDJpic.twitter.com/qSVxrt0ABm

— Le Parisien (@le_Parisien) July 6, 2020

 

 

Bayonne : ce que l'on sait de la violente agression qui a plongé un chauffeur de bus en état de mort cérébralehttps://t.co/2zMwhvKLAVpic.twitter.com/h5nbYVPIHK

— franceinfo (@franceinfo) July 7, 2020