Fàcia a la concurréncia de companhiás low cost coma Easyjet o Ryanair, Air France a lançat una nòva ofèrta vèrs 58 destinacions a prèses basses. Los vòls començaràn lo 6 de febrièr mas las bilhetas se pòdon ja crompar.
La nòva classa low cost d’Air France se sona MiNi. La classa Economy serà escindida en doas: la classa Éco Classic e la classa Éco Mini, que serà mens cara de 20 èuros aperaquí.
Dempuèi los aeropòrts de Marselha, Tolosa e Niça, se poirà viatjar vèrs qualques quaranta destinacions a un prètz de 49 èuros a l’anar, e vèrs un desenat de destinacions a 79 èuros. Al delà, i aurà de vòls vèrs Moscòu e Tel Aviv a partir de 139 èuros.
En contrapartida, MiNi prepausa un servici inferior a aquel qu’Air France ofrís normalament. Las bilhetas se pòdon pas cambiar ni pòdon èsser remborsadas, e se pòt pas causir lo sèti, ni acomolar de milas. Al delà, l’enregistrament d’un bagatge en sota costarà 15 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari