Lo Conselh General d’Aran considèra finit lo brot de covid-19 detectat a la fin de junh en Aran. 14 jorns puèi, a levat l’isolament domiciliari de la majoritat dels infectats. L’origina d’aquel brot foguèt una barbacoa ont se contaminèron 9 personas.
 
En mai d’aquò, lo govèrn aranés rapòrta que, “deth mes de mai ençà, non i a cap persona ingressada per coronavirus en Espitau Val d’Aran”.
 
 
Res a veire amb Lhèida
 
D’autre latz, assegura que lo reviscolament de la covid-19 dins l’encontrada de Segrià (vila de Lhèida e sos entorns) “non a relacion damb era actuau situacion en Aran”.
 
Segrià se tròba a un centenat de quilomètres al sud d’Aran e es connectat per l’estrada N230 que travèrsa lo tunèl de Vielha. La Generalitat de Catalonha a decidit d’isolar l’encontrada e sos aperaquí 200 000 abitants que se tròban confinats. A l’ora d’ara, i a un quinzenat de brots actius de la covid-19, dont 11 dins de societats orticòlas e la rèsta dins una aubèrja, un immòble d’apartaments e d’ostals de retirada.
 
 

Se da per barrat eth bròt de COVID-19 detectat a finaus de junh en Aran, un viatge passadi es catorze dies des der inici deth bròt se considère dejà controlat en tot auer-se lheuat er isolament domiciliari a bona part des afectadi: https://t.co/Q9qXXS1JUvpic.twitter.com/3GshT15IMV

— Conselh Generau Aran (@conselharan) July 8, 2020