Actualitats
Erdoğan torna tresmudar Santa Sofia en mosqueta
Un decret del president turc, amb lo sosten de la justícia, revòca la condicion de musèu de l’anciana basilica bizantina
Lo president de Turquia, Recep Tayyip Erdoğan, a signat lo decret per tornar tresmudar formalament Santa Sofia en mosqueta après obténer que lo principal tribunal administratiu turc anullèsse lo decret de 1934 que secularizava la bastissa emblematica d’Istambol.
Lo decret revòca la condicion de musèu de l’anciana basilica, un dels joièls mondials de l’art bizantin. Segon lo tribunal qu’a pres la decision, lo Conselh d’Estat, Santa Sofia es proprietat de la Fondacion Fatih Sultan Mehmet e èra estada enregistrada per èsser utilizada unicament coma mosqueta.
La condicion de musèu foguèt donada per l’èx-president turc e fondador de la Republica, Mustafa Kemal Atatürk, fa ara ochanta sièis ans. Lo tribunal a afirmat que lo govèrn aviá pas alavetz de poders per cambiar l’estatut religiós de l’anciana basilica e la secularizar.
Los musulmans conservators avián reclamat dempuèi longtemps qu’aquel edifici, bastit al sègle VI coma basilica crestiana ortodòxa e Patrimòni de l’Umanitat de l’UNÈSCO, tornèsse venir una mosqueta. Totun, lo debat de la reconversion se reviudèt lo 29 de mai, quand se commemorèt lo 567 anniversari de la casuda de l’Empèri Bizantin amb la lectura de qualques versets de l’Alcoran dins Santa Sofia.
L’UNÈSCO remembra a Turquia sos engatjaments e obligacions
L’UNÈSCO diguèt divendres son vejaire sus la polemica en tot remembrar que Santa Sofia es inscricha dins sa lista patrimoniala coma musèu e qu’aquò mena a “d’engatjaments e d’oligacions” dins la mesura que cada estat se assegurar que i aja pas cap de modificacion dins sos monuments.
Dins aquel sens, an ramentat qu’en cas de modificacions, lo país se deu metre en contacte amb l’UNÈSCO e deu acceptar qu’un comitat examine aqueles bens patrimonials; tanben an soslinhat que Santa Sofia “a una fòrta valor simbolica, istorica e universala”.
L’agéncia de l’ÒNU a explicat qu’a mandat mai d’una letra a las autoritats turcas en demandant un dialòg abans de prene una decision que “pòsca afectar la valor universala del sit”.
De basilica a mosqueta e puèi un musèu
Santa Sofia es una anciana glèisa ortodòxa bastida en l’an 537 per l’Empèri Roman e puèi l’Empèri Bizantin a Constantinòple, actualament Istambol. Foguèt una glèisa crestiana pendent 916 ans e puèi, après la presa de la vila pels turcs, venguèt una mosqueta durant 481 ans. De notar pasmens que tota l’iconografia ortodòxa de la catedrala es estada servada. En 1934, foguèt transformada en musèu per Kemal Atatürk, qu’aviá la volontat de desislamizar Turquia.
Lo decret revòca la condicion de musèu de l’anciana basilica, un dels joièls mondials de l’art bizantin. Segon lo tribunal qu’a pres la decision, lo Conselh d’Estat, Santa Sofia es proprietat de la Fondacion Fatih Sultan Mehmet e èra estada enregistrada per èsser utilizada unicament coma mosqueta.
La condicion de musèu foguèt donada per l’èx-president turc e fondador de la Republica, Mustafa Kemal Atatürk, fa ara ochanta sièis ans. Lo tribunal a afirmat que lo govèrn aviá pas alavetz de poders per cambiar l’estatut religiós de l’anciana basilica e la secularizar.
Los musulmans conservators avián reclamat dempuèi longtemps qu’aquel edifici, bastit al sègle VI coma basilica crestiana ortodòxa e Patrimòni de l’Umanitat de l’UNÈSCO, tornèsse venir una mosqueta. Totun, lo debat de la reconversion se reviudèt lo 29 de mai, quand se commemorèt lo 567 anniversari de la casuda de l’Empèri Bizantin amb la lectura de qualques versets de l’Alcoran dins Santa Sofia.
L’UNÈSCO remembra a Turquia sos engatjaments e obligacions
L’UNÈSCO diguèt divendres son vejaire sus la polemica en tot remembrar que Santa Sofia es inscricha dins sa lista patrimoniala coma musèu e qu’aquò mena a “d’engatjaments e d’oligacions” dins la mesura que cada estat se assegurar que i aja pas cap de modificacion dins sos monuments.
Dins aquel sens, an ramentat qu’en cas de modificacions, lo país se deu metre en contacte amb l’UNÈSCO e deu acceptar qu’un comitat examine aqueles bens patrimonials; tanben an soslinhat que Santa Sofia “a una fòrta valor simbolica, istorica e universala”.
L’agéncia de l’ÒNU a explicat qu’a mandat mai d’una letra a las autoritats turcas en demandant un dialòg abans de prene una decision que “pòsca afectar la valor universala del sit”.
De basilica a mosqueta e puèi un musèu
Santa Sofia es una anciana glèisa ortodòxa bastida en l’an 537 per l’Empèri Roman e puèi l’Empèri Bizantin a Constantinòple, actualament Istambol. Foguèt una glèisa crestiana pendent 916 ans e puèi, après la presa de la vila pels turcs, venguèt una mosqueta durant 481 ans. De notar pasmens que tota l’iconografia ortodòxa de la catedrala es estada servada. En 1934, foguèt transformada en musèu per Kemal Atatürk, qu’aviá la volontat de desislamizar Turquia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 es mai que mai una agression islamista contra lo pòble turc.
#1 Erdogan es elegit per l'ignorància, coma sempre o es una ultradreita conservatritz. Erdogan non es Turquia, mas sonque ignorància turca majoritària, çò culturalament plan diferent. E un amòri non me farà asirar totas las gents cultivadas d'un país, gents que patisson d'el.
https://www.youtube.com/watch?v=fFqnMcDC4Ts
https://www.youtube.com/watch?v=e4SUrFdWLfE
Es simplament Turquia que manda un messatge a Euròpa. Vaquí çò que ne'n fan dau patrimòni europeu daus territòris qu'an conquistats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari