La Cort Suprèma dels Estats Units a reconegut, dins una senténcia, que gaireben la mitat de l’estat d’Oklahoma aperten al pòble muskogi (tanben dich creek) e a quatre autres pòbles originaris que s’installèron aquí quan los colonizaires los forcèron d’abandonar lors tèrras. “A la fin del Camin de las Lagremas i aviá una promessa. Compelida de quitar lors tèrras ancestralas en Georgia e Alabama, la nacion creek recebèt de garentidas qu’aurián totjorn asseguradas lors nòvas tèrras a l’oèst”, çò ditz la senténcia dicha pel jutge Neil Gorsuch que fa referéncia a l'Indian Removal Act, e a de paches signats en 1832 e 1833 entre los muskogis e lo govèrn dels Estats Units.
 
D’efièch, en vertut des paches que remembra la senténcia, de milièrs de personas de la nacion muskogi partiguèron dins una granda marcha a pè devèrs lo nòu territòri indian establit en Oklahoma entre 1831 e 1838. Aperaquí 4000 d’eles moriguèron per camin. Mas tanlèu los muskogis installats aquí, lo govèrn dels Estats Units manquèt a sa promessa. Mas la “resèrva indiana”  s’es pas jamai oficialament desmantelada malgrat lo boicòt dels govèrns estatsunidencs a l’accion dels organs de govèrn indigènas.
 
 
L’origina de la senténcia
 
L’origina de la senténcia la cal cercar dins un jutjament contra un muskogi, que metèt en question la competéncia de la cort per lo jutjar. A partir d’aquí vegèron que, segon la lei estatsunidenca, aquel territòri fa totjorn partida dels pòbles originaris. Ara, la senténcia establís que solament las autoritats federalas pòdon jutjar los natius americans que cometan de crimes grèus en aquel territòri ont demòran 1,8 milion de personas dont lo 15% fan partida dels pòbles originaris.
 
Desenant, se poirà recórrer contra un fum de senténcias penalas prononciadas contra de natius americans e i pòt aver tanben de cambiaments fiscals, car los jutges an reconegut que los estats an pas cap de drech d’impausar de tributs als indians.
 
De lor costat, las cinc nacions afectadas se son engatjadas a trabalhar ensems per aplicar la decision de la cort suprèma estatsunidenca e velhar per la seguretat publica, l’economia e los dreches de la proprietat privada.
 
 
Lo Camin de las Lagremas
 
Lo Camin de las Lagremas es lo nom de la deportacion de las nacions indianas de l’airal sud-èst dels Estats Units après lo dich Indian Removal Act de 1830. Los que se volguèron pas assimilar a la nòva cultura impausada pels colonizaires foguèron deportats dins un territòri establit per eles en Oklahoma. La paraula ten son origina dins la descripcion que la faguèt lo pòble choctaw dins lor deportacion en 1831: apelèron la marcha “Lo camin ont an plorat”. Los choctaws parlan una lenga de la familha muskogi. Los cherokees, qu’es a l’ora d’ara la nacion pus nombrosa dels pòbles originaris dels Estats Units, asseguran que durant la marcha, moriguèron tantas personas qu’abans que partiguèsson lor lenga aviá tres dialèctes e après n’aviá pas que dos.

 

Supreme Court upholds American Indian treaty promises, orders Oklahoma to follow federal law #SmartNewshttps://t.co/sewMOCldlX

— Purple Lady (@Lianarukmini) July 12, 2020

 

 

This week's landmark Supreme Court ruling is "probably the most important Indian law case in the last half a century," says lawyer @sarahdeer, a citizen of the Muscogee (Creek) Nation. "The language of the decision itself goes far beyond Oklahoma." https://t.co/LKjWuF2XZtpic.twitter.com/BRSGIDkUNl

— Democracy Now! (@democracynow) July 12, 2020

 

In the long Indigenous struggle for justice, McGirt v. Oklahoma might be one of the most important Supreme Court cases of all time. https://t.co/nv7cLjyeTApic.twitter.com/L3LgPSBURZ

— A.A.I.A. (@IndianAffairs) July 13, 2020

 

If Muscogee has that much control over its land now, why not all the rest in former Indian Territory?

Why not?

That's the question that -- yes -- half the land of the state is now asking itself.

What will the answer be?

I can't wait to find out.

[/thread] pic.twitter.com/z1qFM0G3F0

— Jack (@Jackscarab) July 10, 2020