Actualitats
83 milionaris demandan de pagar mai d’impòstes per luchar contra la covid-19
Se nomenan “milionaris per l’umanitat” e vòlon que lors contribucions financen los sistèmas de santat, escolar e de seguretat de tota la planeta
Un grop d’83 milionaris e miliardaris an signat una peticion ont demandan que los govèrns dels estats entamenen “una pojada permanenta dels impòstes” dels pus rics amb la tòca de luchar contra la covid-19 e sa crisi consecutiva, çò rapòrta The Guardian. Se nomenan “milionaris per l’umanitat” e ne fan partida de mond coma Abigail Disney, rèireneboda de Walt Disney e eiretièra de son empèri; Morri Pearl, èx-president-director de BlackRock o Jerry Greenfield, cofondador de la societat de glacets Ben & Jerry’s. Son majoritàriament d’estatsunidencs mas n’i a tanben d’Alemanha, de Canadà, Danemarc, dels Païses Basses e del Reialme Unit. Aquela inciativa seguís una crida dels Milionaris Patriotics, Oxfam, Human Act, Tax Justice UK, Club de Roma, Resource Justice e Bridging Ventures.
Los Milionaris per l’Umanitat dison qu’eles an fòrça argent qu’ara es “desesperadament” necite e qu’o serà dins los ans avenidors a mesura que lo Mond se refarà d’aquesta crisi. “Sèm pas nosautres que sonham los malauts dins las salas de suènhs intensius. Sèm pas a menar las ambulàncias que menan los malauts als espitals. Sèm pas los que reaprovisionan las laissas de las botigas ni mai liuran de manjar als ostals”, çò dison.
Es per aquela rason que demandan als caps politics qu’amassen los fonzes de besonh en aumentant los impòstes dels pus rics e que los despensen amb justícia en finançant coma cal los sistèmas de santat, escolar e de seguretat de tota la planeta.
Lo nombre de rics aumenta
Cal dire que del temps que la crisi nos fa venir de mai en mai paures, lo nombre de rics aumenta. I a mai de 500 000 personas al Mond classadas “ultraricas” e tanben puèjan las cridas a qu’ajuden l’umanitat dins aquesta crisi sanitària.
Lo fondador d’Amazon es vengut lo pus ric de la planeta
Lo fondador d’Amazon, Jeff Bezos, es vengut l’òme pus ric del Mond. Sa fortuna a passat de 75 miliards de dolars a 189 miliards amb la crisi de la covid-19. E mai l’òme aja fach de dons per 100 milions de dolars, aquò representa mens del 0,1% de sa fortuna.
Los Milionaris per l’Umanitat dison qu’eles an fòrça argent qu’ara es “desesperadament” necite e qu’o serà dins los ans avenidors a mesura que lo Mond se refarà d’aquesta crisi. “Sèm pas nosautres que sonham los malauts dins las salas de suènhs intensius. Sèm pas a menar las ambulàncias que menan los malauts als espitals. Sèm pas los que reaprovisionan las laissas de las botigas ni mai liuran de manjar als ostals”, çò dison.
Es per aquela rason que demandan als caps politics qu’amassen los fonzes de besonh en aumentant los impòstes dels pus rics e que los despensen amb justícia en finançant coma cal los sistèmas de santat, escolar e de seguretat de tota la planeta.
Lo nombre de rics aumenta
Cal dire que del temps que la crisi nos fa venir de mai en mai paures, lo nombre de rics aumenta. I a mai de 500 000 personas al Mond classadas “ultraricas” e tanben puèjan las cridas a qu’ajuden l’umanitat dins aquesta crisi sanitària.
Lo fondador d’Amazon es vengut lo pus ric de la planeta
Lo fondador d’Amazon, Jeff Bezos, es vengut l’òme pus ric del Mond. Sa fortuna a passat de 75 miliards de dolars a 189 miliards amb la crisi de la covid-19. E mai l’òme aja fach de dons per 100 milions de dolars, aquò representa mens del 0,1% de sa fortuna.
Today, we ask our governments to raise taxes on people like us. Immediately. Substantially. Permanently.#TaxTheRich now.https://t.co/9t8tWS6abf
— Patriotic Millionaires (@PatrioticMills) July 13, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2
Mercé!
Aparentament, la pujada de sa riquessa es en partida deguda a l'aumentacion de la valor de l'accion Amazon, que cresquèt d'aperaqui 60% en un an.
83 milionaris demandan de pagar mai d’impòstes per luchar contra la covid-19 ? Amb 200, despassam la meitat de la riquisa mondiala. Perqué esperariam qu'o demandèssen ? E perqué esperar un coronavirus per o exigir ?
Setz pas un pauç fada de far fisança a d'aqueus milliardairis que vivam de çò que lo medicament e los vacins rapòrtan e quò es per aquò que son millardairis.
Nòstra santa e nòstre biais de la soenhar nos aparten. Es pas la peina de la confiar a daus millardiars
Aqui es una bona font per finançar jornalet, urgís de se far coneisser alprep d'aqueste mond
#1 Aquí as las donadas de Bezos segon Forbes: https://www.forbes.com/profile/jeff-bezos/#11c8ca4b1b23
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari